शिरढोण : कवठेमहांकाळ नगरपंचायतीच्या पंचवार्षिक निवडणुकीसाठी काल चुरशीने ८०.४० टक्के मतदान झाले. ४ जागांसाठी हे मतदान झाले. १३ जागांसाठी २१ डिसेंबर रोजी मतदान झाले. ४ प्रभागांसाठीची १८ उमेदवार निवडणूक रिंगणात होते. दरम्यान, कवठेमंकाळमध्ये राष्ट्रवादीचा दणदणीत विजय झाला आहे. राष्ट्रवादीच्या रोहित पाटलांनी एकहाती सत्ता मिळवली आहे. कवठेमहांकाळ नगरपंचायत पंचवार्षिक निवडणुकीत राष्ट्रवादी काँग्रेसला १० जागा शेतकरी विकास आघाडी ६ आणि एका जागेवर अपक्ष निवडून आले आहेत. यावेळी राष्ट्रवादीने मुसंडी मारत नगरपंचायती एकहाती सत्ता मिळवली आहे. राष्ट्रवादीचे उमेदवार रोहित पाटील यांचा विजय झाला आहे. या विजयामुळे राष्ट्रवादीच्या कार्यकर्त्यांनी जल्लोष केला आहे. (Sangli Kavathe Mahankal Nagar Panchayat Election 2022)

दरम्यान, मतदान पारपाडण्यासाठी प्रशासनाने सोय केली होती. पोलिस कर्मचाऱ्यांचा बंदोबस्त मोठ्या प्रमाणात ठेवण्यात आला होता. कुठेही अनुचित प्रकार घडला नाही. सकाळपासून सायंकाळपर्यंत मतदान प्रक्रिया शांततेत झाली सकाळी दहा वाजता मत मोजणी झाली आहे. चार प्रभागांसाठी झालेले मतदान असेः एकूण ३ हजार ७७२. स्त्री (१५०३) व पुरुष (१५३०) असे ३ हजार ३३ मतदारांनी मतदानाचा हक्क बजावला. टक्केवारी ८०.४० आहे. २१ डिसेंबर रोजी झालेल्या १३ प्रभागांसाठीचे मतदान व आज झालेल्या ४ प्रभागांच्या अशा १७ जागांसाठी बुधवारी मतमोजणी होऊन निकाल जाहीर होणार आहे. शेतकरी विकास आघाडी की राष्ट्रवादी काँग्रेस व भाजप, आर.पी.आय. यांची सत्ता येणार हे दुपारी स्पष्ट होणार आहे.