सांगली - येथील शामरावनगरमध्ये पहाटेच्या सुमारास मोकाट कुत्र्यानी पाळलेल्या बकऱ्यांच्या कळपावर हल्ला केला. या हल्ल्यानंतर या कळपातील दहाही बकरी ठार झाली आहेत. या घटनेने परिसरात भटक्या कुत्र्यांच्या बाबत संताप व्यक्त केला जात आहे. 

याबाबत मिळालेली माहिती अशी की, शामरावनगरमध्ये महाराजा भडंग कारखाना जवळ ईलियास हमिद रहिमतपूरे याचा शेळीचा गोटा आहे. पहाटेच्या सुमारास मोकाट कुत्र्यांनी या गोट्यातील बकऱ्यावर हल्ला केला. यामध्ये तब्बल 10 बकरी ठार झाली आहेत. या घटनेने परिसरात तीव्र संताप व्यक्त होत आहे..  महापालिका या मोकाट कुत्र्याचा बंदोबस्त करत नसल्याचा आरोप ही केला जात आहे. मोकाट कुत्र्यांनी यापूर्वी लहान मुलांनाही जखमी केल्याच्या घटना या परिसरात घडल्या आहेत.