बेळगाव :  यंदा रविवारी (ता.11) "सेट' होणार होती. मात्र, परिवहन कर्मचाऱ्यांचा संप अजूनही सुरुच असल्याने ही परीक्षा पुढे ढकलण्यात आली आहे. यासंबंधी म्हैसुर विद्यापीठाने एक पत्रक काढून विद्यार्थ्यांना माहिती कळविली आहे. पुढील तारीख लवकरच जाहीर होणार असल्याचेही त्या पत्रकात नमुद केले आहे.

गेल्या काही दिवसापासून राज्यात परिवहन कर्मचाऱ्यांचा संप सुरु आहे. त्यामुळे राणी चन्नमा विद्यापीठाने आपल्या विविध विषयाच्या परीक्षा पुढे ढकलल्या आहेत. त्यामुळे सेट परीक्षेबद्दल विद्यार्थ्यांमध्ये संभ्रमावस्था निर्माण झाली होती. रविवारी (ता.11) परिक्षा होणार होती, तरीही शनिवार सकाळपर्यंत या परीक्षेबद्दल चित्र स्पष्ट झाले नव्हते. काही विद्यार्थ्यांनी म्हैसूर विद्यापीठाशी संपर्क करून परीक्षेबद्दल माहिती विचारली. मात्र, शनिवारी दुपारी 12 च्या दरम्यान विद्यापीठाने एक पत्रक काढून परीक्षा पुढे ढकलण्यात आली असल्याची माहिती दिली.

हेही वाचा- धक्कादायक! वर्षभरात ८८१ एड्‌सबाधित; ५६ गर्भवतींचा समावेश

राज्यात म्हैसूर विद्यापीठाकडून सेट परीक्षेचे आयोजन केले जाते. गेल्या महिन्यात विद्यार्थ्यांनी परीक्षेचे अर्जही भरले आहेत. राणी चन्नम्मा विद्यापीठाने बेळगाव शहरात विविध केंद्रे दिली होती. सध्या परीक्षा रद्द झाली आहे. त्यामुळे पुढील परीक्षेची तारीख लवकरच जाहीर होणार आहे. मात्र, परीक्षा केंद्र तीच राहतील की बदलतील हे तारीख जाहीर झाल्यानंतरच स्पष्ट होणार आहे. म्हैसूर विद्यापीठाने परीक्षा पुढे ढकलण्याचे कारण स्पष्ट केले नसून काही कारणास्तव ही परीक्षा पुढे ढकलली असल्याचे पत्रकात नमुद केले आहे. के-सेट वेबसाईटवर यांची माहिती कळविली जाईल असे, म्हैसूर विद्यापीठ के-सेट संयोजक प्रा. एच. राजशेखर यांनी कळविले आहे.

हेही वाचा- जैवविविधता समिती अन्‌ दर्शनासाठीची खास बस! -

हेही वाचा-Weekend Lockdown: सांगलीत शुकशुकाट ; सांगलीकरांनी  दिला उत्स्फुर्त प्रतिसाद

संपादन- अर्चना बनगे