मिरज : शहरातील रेल्वे स्थानक परिसरास पुन्हा एकदा सांडपाण्याने विळखा घातला आहे. साहजिकच येथील साथीचे रोग आणि दुर्गंधीने या परिसरास वेढले आहे. गेल्या किमान महिनाभरापासुन या परिसरातील नागरिक आणि व्यावसायिक सांडपाण्याच्या विळख्यात सापडले आहेत. यापैकी अनेक नागरिकांनी तर घरच सोडले आहे.
हॉटेल व्यावसायिकांना तर केवळ दुर्गंधी आणि रस्त्यावर पसरलेल्या मैल्यामुळे नाईलाजाने आपले व्यवसाय बंद करण्याशिवाय पर्याय राहिलेला नाही. या सांडपाण्यातच महापालिकेतील कारभा-यांनी रस्त्याच्या कॉंक्रिटीकरणाचा प्रारंभ भारतीय जनता पक्षाचे प्रदेशाध्यक्ष चंद्रकांत पाटील यांच्या हस्ते उरकण्याचा प्रयत्न केला. पण यावेळी स्थानिक नागरिक आणि व्यावसायिकांच्या संतापास पाटील यांना सामोरे जावे लागले.
महापालिकेतील कारभाऱ्यांच्या प्रतापामुळेच चंद्रकांत पाटील यांना हा मनस्ताप सहन करावा लागला. याबाबत पाटील यांनी महापालिकेतील कारभाऱ्यांची हजेरी घेतल्यानतंर हे पाणी दोन दिवसांनी बंद झाले. पण आजपासून (बुधवार) याच सांडपाण्याने पुन्हा रेल्वे स्थानकास वेढा घातला आहे. साहजिकच आता येथील नागरिक आणि व्यावसायिक पुन्हा एकदा आक्रमक आंदोलनाच्या पवित्र्यात आहेत.
संपादन : प्रफुल्ल सुतार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.