शिराळा : वाकुर्डे बुद्रुक (ता. शिराळा) येथे वाकुर्डे खिंडीत दरड कोसळ्याने वाहतुकीची कोंडी झाली आहे. त्यामुळे जे.सी.बी.च्या सहायाने कोसळलेली दरड बाजूला काढण्याचे काम सुरु आहे.

गतवर्षी ही या मार्गावर दरड कोसळली होती. यावेळी मंगळवारी रात्री दरड कोसळली आहे. त्यामुळे या मार्गावरील वाहतूक ठप्प झाली आहे. वाकुर्डे ते शेडगेवाडी हा जवळचा मार्ग आहे.. त्यामुळे कासेगाव, वाटेगाव, शिरशी, आंबेवाडी, टाकवे, बांबवडे, करमाळे, अंत्री खुर्द, वाकुर्डे खुर्द, अंत्री बुद्रुक पाडळी, मानकरवाडी, येळापूर, चव्हाणवाडी, आटूगडेवाडी, खिरवडे, हत्तेगाव शेडगेवाडी या भागातील लोकांची या मार्गावरून नेहमी ये-जा असते. या मार्गावर दरड कोसळ्याने वाहतूक ठप्प झाली होती. जे.सी.बी. च्या सहायाने दगड, माती बाजूला काढण्याचे काम सुरु आहे. त्यामुळे हा मार्ग पुन्हा वाहतुकीस खुला होईल.