हुक्केरी : तालुक्यात चिलभावी येथे अवैध वाळू साठा केलेल्या ठिकाणी खाण व भूगर्भ खात्याच्या अधिकाऱ्यांनी छापा टाकून एक लॉरी ताब्यात घेतली. त्यानंतर नजीकच्या एका अवैध वाळू साठ्यावर छापा टाकताना वाळु माफिया टोळीने गुरूवारी (ता. १०) अधिकाऱ्यांवर दगडफेक केल्याने वाहनांच्या काचा फुटून वाहनाचे नुकसान झाले आहे.
तालुक्यात हिडकल डॅम बॅक वॉटर भागात बेकायदेशीर वाळू साठा होत असल्याची माहिती खाण व भूगर्भ खात्याच्या अधिकाऱ्यांना मिळाली. त्यावरून अधिकाऱ्यांनी छापा टाकला होता. पण वाळू साठा करणाऱ्या 20 जणांच्या टोळीने वाहनावर दगडफेक केली. जीवाच्या भीतीने अधिकाऱ्यांनी तेथून काढता पाय घेतला. कर्तव्यात अडथळा व जमिनीचे नुकसान केल्याच्या पार्श्वभूमीवर यमकनमर्डी पोलिस ठाण्यात हे प्रकरण दाखल केले आहे. याबाबत खाण व भूगर्भ खात्यासह पोलिस अधिकारी अधिक तपास करत आहेत.
अवैध वाळू साठ्यासाठी वापरलेले वाहन ताब्यात घेतले आहे. या घटनेत कोणीही जखमी झालेला नाही. त्याविषयी तपास सुरु आहे. जमिनीच्या नुकसानीबद्दल गुन्हा दाखल करण्यास पोलिसांना सांगितले आहे.
- डॉ. डी. एच. हुगार, तहसीलदार, हुक्केरी.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.