हा प्रकार उघडकीस आल्यावर पोषण आहार नेलेल्या लाभार्थींशी संपर्क साधून आहार परत जमा करून घेण्यात आला.
पलूस : एकात्मिक बालविकास योजनेंतर्गत गर्भवती (Pregnant Women) माता आणि बालकांना दिल्या जात असलेल्या पोषण आहारात मृत साप (Snake) आढळला. येथील कृषिनगर अंगणवाडी क्र. ११६ मध्ये (Anganwadi) हा प्रकार उघडकीस आला. अन्न व औषध प्रशासन विभागाने या अंगणवाडीतील आहाराचा साठा सील केला आहे. त्याचे नमुने तपासासाठी प्रयोगशाळेत पाठवण्यात आले आहेत.
तसेच परिसरातील अंगणवाड्यांमधील पोषण आहार परत पाठवण्यात येणार आहे. दरम्यान, या प्रकरणाचा प्राथमिक चौकशी अहवाल आज महिला व बालकल्याण आयुक्तांना पाठवण्यात आला आहे. शासनाच्या वतीने एकात्मिक बालविकास योजनेंतर्गत गर्भवती माता व सहा महिने ते तीन वर्षांच्या लहान बालकांना गेली अनेक वर्षे पोषण आहार पुरवला जातो.
एप्रिलपासून डाळ, तिखट, मीठ एकत्रित करून, तसेच गव्हाचे पीठ, साखर एकत्रित करून आहार ठेकेदाराकडून पुरवला जातो. संबंधित ठेकेदार कंपनीने एप्रिल व मेचा पोषण आहार पलूस येथील बीटला पोहोच केला. लाभार्थींना संपर्क करून आहार घेऊन जाण्यास सांगितले. कृषिनगर अंगणवाडी क्र. ११६ येथून लाभार्थी माजी सैनिक सुभाष निवृत्ती जाधव यांनी त्यांचा नातू शिरीषसाठी आहार घरी नेला. त्यांना पिशवीत चक्क लहान आकाराचा साप मृतावस्थेतील आढळला.
त्यांनी तत्काळ संबंधित अंगणवाडी सेविकांशी संपर्क साधला. संबंधित सेविकांनी वरिष्ठ अधिकारी, तसेच अंगणवाडी कर्मचारी संघटनेच्या राज्य उपाध्यक्ष आनंदी भोसले यांच्याशी संपर्क साधून ही बाब निदर्शनास आणून दिली. हा प्रकार उघडकीस आल्यावर पोषण आहार नेलेल्या लाभार्थींशी संपर्क साधून आहार परत जमा करून घेण्यात आला. हा आहार न वाटण्याचा निर्णय घेतला.
भोसले म्हणाल्या, ‘‘मार्चपूर्वी पोषण आहार चांगल्या प्रतीचा, स्वच्छ, निवडक दिला जात होता. मार्चपासून आहारामध्ये डाळ, तांदूळ, तिखट, मीठ एकत्रित करून पिशवी बंद करून दिला जातो. विविध प्रकारचे पीठ, साखर एकत्रित करून त्याचीही पिशवी दिली जाते. तिखट, मीठ एकत्र केल्याने हा आहार लवकर खराब होतो. आहार पिशवी बंद झाल्यानंतर अंगणवाडीपर्यंत पोहोचेपर्यंत बराच कालावधी जातो. त्यामुळे हा आहार लवकर खराब होतो.’’
खराब झालेला आहार लाभार्थींपर्यंत पोहोचल्यास तो खाण्यायोग्य राहत नाही. त्यामुळे राज्य शासनाने पूर्वीप्रमाणे आहार द्यावा. पलूस येथील कृषिनगर अंगणवाडीमध्ये सापडलेल्या सापाचे मृत पिल्लू पिशवीत कसे आले. त्याची सखोल चौकशी करावी. संबंधित दोषींवर कठोर कारवाई करावी, अशी मागणी त्यांनी केली आहे.
पलूसमधील एका अंगणवाडीतून वाटप केलेल्या पोषण आहारातील पिशवीत मृत साप आढळल्याची तक्रार आहे. त्याची चौकशी करण्यात येत आहे. अन्न व औषध प्रशासनाने हा साठा सील केला आहे.
-संदीप यादव, उपमुख्य कार्यकारी अधिकारी, महिला व बाल विकास
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.