पंढरपूर (जि. सोलापूर) : पंढरपूर तालुक्यात कोरोना पार्श्‍वभूमीवर मजुरांना हक्काचा रोजगार मिळण्यासाठी महात्मा गांधी रोजगार हमी योजनेच्या माध्यमातून 61 कामे सुरू आहेत. 309 मजुरांमार्फत हे काम करत असल्याची माहिती तहसीलदार वैशाली वाघमारे यांनी दिली.
हेही वाचा ः मंगळवेढा येथे बोजवारा
लॉकडाउन काळात परराज्यातून तसेच परजिल्ह्यातून स्वगृही आलेल्या मजुरांना महात्मा गांधी रोजगार हमी योजनेतंर्गत रोजगाराची संधी उपलब्ध झाली आहे. अनेक मजुरांच्या हाताला काम देण्यासाठी राज्य शासनाने रोहयोची अनेक कामे सुरू करावीत, असे निर्देश प्रशासनाला दिले आहेत. त्या अनुषंगाने रोजगाराची कामे सुरू झाली आहेत.
हेही वाचा ः मंगळवेढा तालुक्यात राष्ट्रवादीला अच्छे दिन
तालुक्यात 28 गावांत महात्मा गांधी रोजगार हमी योजनेतून सिंचन विहिरीची 22 कामे, घरकुलांची 15 कामे तर रेशीमची 24 अशी 61 कामे सुरू असल्याची माहिती तहसीलदार वाघमारे यांनी दिली.
हेही वाचा ः पंढरपुरात नामसंकीर्तन सभागृहाचे काम सुरू
काम करणाऱ्या मजुरांची नोंदणी करून खात्यातच मजुरीची रक्कम जमा होत असल्याने त्यांना आर्थिक हातभार लागत आहे. मजुरांच्या मागणीनुसार त्यांना तत्काळ कामे उपलब्ध करून देण्याची दक्षता घेण्यात येत असून, कोरोनाचा प्रादुर्भाव रोखण्यासाठी कामावर आरोग्य विभागाच्या सूचनेनुसार काटेकोर पालन करण्यात येत असल्याचे तहसीलदार वाघमारे यांनी सांगितले. महाराष्ट्र
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.