सोलापूर : महापालिका हद्दीत बुधवारी रात्री बारा वाजेपर्यंत 94 नव्या कोरोना बाधितांची भर पडली आहे. महापालिका हद्दीतील एकूण बाधितांची संख्या आता पाच हजार 644 झाली आहे. कोरोना मुक्त झालेल्या 85 जणांना रुग्णालयातून घरी सोडण्यात आले आहे. कोरोना मुळे एका व्यक्तीचा मृत्यू झाल्याचेही आजच्या अहवालातून स्पष्ट झाले आहे. 

नव्याने सापडलेल्या बाधितांमध्ये जुळे सोलापुरातील प्रसाद नगर, जुळे सोलापुरातील कल्याण नगर, मजरेवाडीतील गुलाब बाबा नगर, माशाळ वस्ती, बाळे येथील खंडोबा मंदिर जवळ, चाटी गल्ली, विजापूर रोडवरील भिमानगर, भवानी पेठेतील श्रीशैल नगर, बाळ्यातील संतोष नगर, भवानी पेठ, बाळ्यातील वसंत विहार, मुळेगाव रोडवरील राघवेंद्र नगर, मरीआई चौक, माजी सैनिक नगर, रविवार पेठ, सिव्हिल क्वॉर्टर, भारत नगर, जुळे सोलापुरातील न्यू संतोषनगर, आदर्शनगर, रूपा भवानी मंदिराजवळ, बुधवार पेठ, होटगी रोड वरील विश्वकर्मा संकुल, शेळगी येथील जागृती मंदिराजवळ, जुळे सोलापुरातील शिवदारे कॉलेजजवळ, अंत्रोळीकर नगर, जुळे सोलापुरातील वामन नगर जवळ, मल्लिकार्जुन नगर, वाडिया हॉस्पिटलजवळ, किल्लेदार मंगल कार्यालय जवळ, शाहीर वस्ती, लक्ष्मी पेठेतील टेळे नगर, आंबेडकर सोसायटी, दक्षिण सदर बझार, पंचशील नगर, कुर्बान हुसेन नगर, बालाजी हाउसिंग सोसायटी, चातक सोसायटी, पोलीस लाईन केशवनगर, किसान संकुल, न्यू पाच्छा पेठ, बाळ्यातील शिवाजीनगर, साठे पाटील वस्ती, कन्ना चौक, उमानगरी, गुलमोहर सोसायटी, हरेकृष्ण विहार, ओम गर्जना चौक, निर्मिती विहार, जुळे सोलापुरातील म्हाडा कॉलनी, भारत माता नगर, लोकमान्य नगर, महालक्ष्मी सोसायटी, अवंती नगर, सैफुल मधील पाटीलनगर या भागात नव्याने कोरोना बाधित रुग्ण आढळले आहेत.