मोहोळ (सोलापूर):  मोहोळ नगर परिषदेकडे हंगामी कामगार म्हणून काम करत असलेल्या कामगारांचे अर्थीक नुकसान करुन त्यांचे शारीरिक, मानसिक शोषण करणाय्‌ा मोहोळ नगरपरिषदेचे मुख्याधिकारी व इतर दोषींवर कायदेशीर कारवाई करण्यात यावी व कामगाराच्या सर्व न्याय्य हक्काच्या मागण्या मान्य करण्यात याव्यात अन्यथा कामगारांच्या प्रश्नावरील आंदोलन अधिक तीव्र केले जाईल असा इशारा भारतीय जनता पार्टी चे मोहोळ तालुकाध्यक्ष सतीश काळे व संजीव खिलारे यांनी दिला आहे. 

हेही वाचाः अभिनेत्री कंगणा राणावत यांच्या विरोधात शिवसेनेचे आंदोलन 

कोरोना महामारीच्या पार्श्वभूमीवर कामगारांना आरोग्य संरक्षण किट देण्यात आले नाही, मोहोळ नगरपरिषदेने कामगारांचा गेल्या चार महिन्यांपासून पगार अदा केला नाही,तसेच नगरपरिषद स्थापनेपासून भविष्य निर्वाह निधीची रक्कम कपात करुनही कामगारांच्या खात्यावर भरली नाही, या व इतर मागण्यांसाठी सतीश काळे व संजीव खिलारे यांच्या नेतृत्वाखाली मोहोळ नगरपरिषदेच्या कामगारांनी ता 3 सप्टेंबर पासून "बेमुदत कामबंद व ठिय्या आंदोलन सूरू केले आहे. 

हेही वाचाः सिंचन व्यवस्थापन बाह्यअभिकरणाकडून करण्याचा निर्णय 

मोहोळ नगरपरिषद स्थापने पुर्वी पासुन हंगामी कामगार म्हणून काम करणाय्‌ा कामगारांना सेवेत कायम करुन घेण्यात आले नाही, कोरोना महामारीच्या पार्श्वभूमीवर नगरपरिषदेने कामगारांना आरोग्य किट दिले नाही, कामगारांचा आरोग्य संरक्षण विमा उतरविला नाही, कामगारांना किमान वेतन पध्दतीने वेतन अदा करण्यात यावे. कामगारांनी या प्रकरणी नगरपरिषदेला व वरिष्ठांना अनेक वेळा विनंती अर्ज दिले, आंदोलने केली तरीही यावर संबंधीतांनी कोणतीच कार्यवाही केली नाही. 
या संपूर्ण प्रकरणाला नगरपरिषदेचे मुख्याधिकारी जबाबदार असून मुख्याधिकाऱ्यावर व इतर दोषींवर कायदेशीर कारवाई करण्यात यावी अशी मागणीही आंदोलनकर्त्यांनी केली आहे. या प्रकरणी नगरपरिषद प्रशासन व वरिष्ठांकडून योग्य ती दखल घेवून कामगारांना न्याय न मिळाल्यास आमचे आंदोलन अधिक तीव्र करू असा इशारा सतीश काळे व संजीव खिलारे यांनी दिला आहे. आंदोलनात मसा अष्टूळ, बालाजी काटकर, महेश भोसले, तानाजी कसबे, शंकर अष्टूळ, करण अष्टूळ, शरद कसबे, विकास अष्टूळ, गणेश अष्टूळ, पुष्पा कांबळे, कावेरा अष्टूळ, प्रभावती माळी, रुक्‍मिण क्षिरसागर, मैना अष्टूळ, डुमा खिलारे इत्यादी शेकडो कामगार या आंदोलनात सहभागी आहेत.  

संपादनः प्रकाश सनपूरकर

महाराष्ट्र