सोलापूर, ः कोरोना आजारावर उपचार करण्यासाठी मुळातच प्रतिकार क्षमता सिद्ध करण्याचे तत्व अंतर्भूत असलेल्या होमिओपॅथी या वैद्यकीय शाखेच्या वैद्यकाकडून अत्यंत गुणकारी अर्सेनिक अल्बम 30 या गुणकारी औषधाचा उपयोग प्रभावी होऊ शकतो, असा निष्कर्ष समोर आला आहे. 
याबाबत आयुष मंत्रालयकडून होमिओपॅथी संशोधकांकडे कोरोना आजारावर नेमके कोणते औषध उपयुक्त ठरू शकते याची विचारणा केली गेली. तसेच सेंट्रल कौन्सिल फॉर रिसर्च इन होमिओपॅथी मंडळ पदाधिकाऱ्यांनी या प्रक्रियेत सहभाग घेतला. त्यानंतर आयुष मंत्रालयाने त्याबाबत सल्लापत्रक निश्‍चित करून या औषधाची शिफारस केली आहे. 

हेही वाचाः चीनबद्दल संताप व स्वदेशीवर सोशल मिडीयावर चर्चा 

याबाबत आयुष मंत्रालयाने या शिफारशीत औषधी कशा पद्धतीने घ्यावी याबाबत तपशील दिला आहे. डॉक्‍टरांच्या सल्ल्यानुसार अर्सेनिक अल्बम 30 या औषधाचा डोस सलग तीन दिवस सकाळी उपाशीपोटी घ्यायचा आहे. त्यानंतर प्रत्येक महिन्याला एक डोस घेतला पाहिजे. कोरोना आजाराचा नायनाट होईपर्यंत अशा प्रकारे प्रत्येक महिन्याला डोस घेणे योग्य आहे असे नमूद आहे. हे औषध प्रतिकारक्षमता निर्माण करणाऱ्या एचटी 29 पेशी व मॅक्रोफेजेसाठी काम करते. शरीरातील प्रतिकारक्षमतेच्या उभारणीत त्याचा उपयोग होतो. हे औषध श्‍वसन संस्थेच्या विकारावरील उपचारासाठी नियमित वापरले जाते. या शिवाय तापीसारख्या लक्षणासाठी काही होमिओपॅथीची औषधे गुणकारी ठरतात. 
सध्या होमिओपॅथी या आधारावर उपचार करत आहे. कोरोनाच्या रुग्णांवर होमीओपॅथी पध्दतीने उपचार करण्याचे काम या क्षेत्रातील मोठ्या वैद्यकीय संस्थेने हाती घेतले आहे. 

हेही वाचाः अकलूजमधून परप्रांतीयांना घेऊन 13 एसटी बस धावल्या 

या सोबत फ्लूसाठी अर्सेनियम अल्बन, ब्रायोनिया अल्बा, ऱ्हूस टॉक्‍झीको डेन्ड्रॉन, बेलाडोना जीसीमीयम, यूपॅटोरीयम परफोलीयम आदी औषधी उपयोगात येऊ शकतात. होमिओपॅथच्या सल्ल्याने रुग्णांना ती वापरता येणार आहेत. कोरोना विरोधात ऍलोपॅथीप्रमाणे आयुर्वेद व आता होमिओपॅथीचा उपयोग प्रभावीपणे व्हावा यासाठी हे प्रयत्न केले जात आहेत.