करमाळा (सोलापूर) : पश्‍चिम बंगालमधून विनापरवाना केळी काढण्याच्या कामासाठी 33 कामगारांना केंद्र (ता. करमाळा) येथे आणल्याप्रकरणी कंदर येथील चार केळी व्यापाऱ्यांसह 37 जणांविरुद्ध करमाळा पोलिसांत गुन्हा दाखल करण्यात आला आहे. याबाबत कंदरचे पोलिस पाटील धन्यकुमार सुरेश सुरवसे यांनी करमाळा पोलिसांत फिर्याद दिली आहे. 

हेही वाचा : अवैध वाळू उपसा करणाऱ्या पाच ट्रॅक्‍टरचालकांविरुद्ध "या' पोलिसांची कारवाई 

गेल्या चार दिवसांत करमाळा तालुक्‍यात चार कोनोनाबाधित रुग्ण सापडले आहेत. त्यामुळे नागरिकांमध्ये घबराटीचे वातावरण निर्माण झाले आहे. अशा परिस्थितीत पश्‍चिम बंगालमधून 35 कामगार घेऊन आल्याने त्यांच्यावर गुन्हा दाखल करण्यात आला आहे. याप्रकरणी प्रमोद प्रकाश वागज, धनाजी सहदेव शिंदे, मुबारक मैन्नुदीन शेख, महादेव बाबूराव मंगवडे (सर्व रा. कंदर, ता. करमाळा, जि. सोलापूर), रहेमान आली (वय 27, रा. दुलाबत्ती तोला, इनायतपूर), इस्माईल सिराज उल शेख (वय 25, रा. कुरबानी तोला), नसिरुद्दीन शेख खाईज (वय 20, रा. कुरबानी तोला), इजाबुल शेख (वय 26), नसीदूर रहमन शेखमोती (वय 21), पिंकू शेख, तोफाजील शेख (वय 21), पतली असमुद्दीन शेख (वय 29), असीदुल शेख सत्तार शेख (वय 35), आलमगीर शेख, सिराजुल शेख, रोबीउल शेख, मेघू शेख, नौशाद शेख, मोहम्मद निजामुद्दीन शेख (वय 19), रानामुल शेख, गाहुल शेख (वय 35), महंमद जहर अलम महंमद सेफरूद्दीन (वय 26), अजिबुल इस्माईल इनामुल हक (वय 18), मुज्जमील हक इस्माईल शेख (वय 21), हजरत अली गुलमोहम्मद शेख (वय 21), लासारीक शेख, रमजानी शेख (वय 20), एसके तालाबुर मोहंमद अली शेख (वय 51), दालीब रबीउल (वय 18), नूर इस्माईल नोमन शेख (वय 22), शेख रहीम सेताब अली (वय 32), रामडी राकेश हुसेन टुनू शेख (वय 18), साहीदुल इस्माईल कासीम शेख (वय 18), नईम शेख झाटु (वय 18), राजू शेख सुलू रदी शेख (वय 30), साफीक उल इस्माईल मुजीबूर शेख (वय 31), अन्सार उल हक साबेद अली (वय 18), मोहमद नेहरूल मुतालीफ शेख (वय 25), मोरफोन अली एम दुल (वय 19), अंजरूल हक अनिसूर रहमान (वय 18), जहांगीर आलम अलीसुकुरदी (वय 20), रेहमतअली तोहीबअली (वय 19), रॉयल शेख अकबर अली (वय 20). हे सर्व कामगार पश्‍चिम बंगाल राज्यातील आहेत. 

हेही वाचा : तिजोरी रिकामी! "एलबीटी'तून चालतोय "या' महापालिकेचा गाडा; उत्पन्नात तब्बल 400 कोटींची घट 

वरील 33 लोकांना पश्‍चिम बंगालमधून विनापरवाना, विनापास कंदरला आणून कोरोनाबाबत शासनाने दिलेल्या कायदेशीर आदेशांचे उल्लंघन केले आहे. कोणत्याही सबळ कारणाशिवाय अवहेलना करून स्वत:च्या व समाजातील इतर लोकांच्या जीवितेला गंभीर धोका निर्माण केला असल्याने त्यांच्याविरुद्ध राष्ट्रीय आपत्ती कायदा, साथीचे रोग प्रतिबंधक कायद्यान्वये गुन्हा दाखल केल्याची माहिती पोलिस निरीक्षक श्रीकांत पाडुळे यांनी दिली आहे. 

करमाळ्याचे पोलिस निरीक्षक श्रीकांत पाडुळे म्हणाले, करमाळा तालुक्‍यात कोरोनाचे रुग्ण सापडू लागले आहेत. त्यामुळे नागरिकांमध्ये भीतीचे वातावरण निर्माण झालेले असताना बाहेर गावाहून कोणीही विनापरवाना, विनापास प्रवेश करू नये. असे कोणी विनापरवाना तालुक्‍यात आल्यास त्यांच्यावर तत्काळ गुन्हे दाखल करण्यासाठी पोलिस पाटलांना सूचना करण्यात आल्या आहेत. परजिल्ह्यातून, परराज्यातून कोणी आल्यास माहिती कळवावी.