सोलापूर ः खो-खो खेळाच्या नियमात केलेल्या बदलाने आता कबड्डीप्रमाणे प्रोखोखोचा थरार रंगणार आहे. खोखो खेळांडूंना देखील प्रोखोखोमुळे नव्या करिअर संधींचे दरवाजे उघडणार आहेत. 

हेही वाचाः जिल्ह्यात नऊ तूर खरेदी केंद्रे मंजूर ! ऑनलाईन नोंदणी सुरू, मिळणार सहा हजार रुपये भाव 

खोखो खेळांचा विस्तार आता वाढत चालला आहे. अगदी शाळास्तरापासून राज्य व राष्ट्रीय पातळीवर या खेळाला मोठी लोकप्रियता मिळु लागली आहे. या खेळाने आता तब्बल चौदा देशामध्ये स्थान पटकावले आहे. वेगवान व सांघिक खेळाच्या कौशल्यामुळे त्याला मोठी संधी उपलब्ध होऊ लागली आहे. या स्थितीत खोखोच्या नियमामध्ये काही बदल करण्याची आवश्‍यक्ता निर्माण झालेली होती. खेळाच्या वेळ कमी होणे, गडी बाद करताना होणारे अडथळे या सह अनेक प्रकारच्या अडचणीचा विचार बदलाच्या संदर्भाने केला गेला. 
अगदी काही मिनीटात सामना खेळणाऱ्या संघाच्या दोन्ही पाळ्या कमीत कमी वेळेत होण्याची गरज होती. तसेच आंतरराष्ट्रीय दर्जा मिळाल्याने खेळाचा वेग वाढण्याच्या दृष्टीने नियमात बदल केले गेले आहेत. 
आता खोखो खेळाने मिळवलेली आंतराष्ट्रीय मान्यता पाहता प्रोखोखो स्पर्धांना आता कोरोना संकटानंतर थेट सुरुवात होणार आहे. या नियम बदलांचा परिणाम आता पुढील सामन्यामध्ये अनुभवता येणार आहे. या बदलाने कमी कालावधीत वेगवान खेळ हे सुत्र अधिक घट्ट होणार आहे. तसेच गडी बाद होण्याची संख्या देखील वाढणार आहे. अधिकाधिक खेळांडूना त्यांची कामगिरी दाखवण्याची संधी आपोआपच वाढणार आहे. देशातील पहिले प्रो खोखोचे सामने कोरोना काळामुले रद्द झाले तरी ते आता नव्या वर्षात क्रिडा रसिकांना पाहण्यास मिळणार आहेत. 

वेगवान खेळाची गरज 
खोखोच्या नियमात झालेले बदल काळानुरुप आवश्‍यक होते. त्यामुळे खेळाचा वेग वाढण्यास मदत होणार आहे. पुढील काळात या बदलाचा फायदा अगदी आंतरराष्ट्रीय स्तरापर्यंत होणाऱ्या स्पर्धामध्ये दिसणार आहे. 
- श्रीकांत ढेपे, अध्यक्ष, पंच मंडळ, महाराष्ट्र खोखो असोसिएशन तथा शिवछत्रपती पुरस्कारप्राप्त संघटक