सोलापूर : सणासुदीनिमित्त सोलापूर शहरामधील बाजारपेठांमध्ये मोठ्या प्रमाणावर गर्दी होऊ लागली आहे. शहरातील विविध प्रभागांमधील लोक खरेदीच्या निमित्ताने घराबाहेर पडू लागले आहेत. या पार्श्वभूमीवर संशयितांची टेस्ट वाढवण्याची गरज असतानाही महापालिकेने टेस्टची संख्या खूपच कमी केली आहे. आज शहरात 198 संशयितांचीच टेस्ट झाली असून त्यात 15 जण पॉझिटिव्ह आले आहेत. 

शहरात आज माणिक चौक, बेगम पेठ, विकास नगर, शगून रेसिडेन्सी (होटगी रोड), सिद्धेश्वर पेठ, मुस्लिम पाच्छा पेठ, यशवंत नगर, जानकी नगर (जुळे सोलापूर), विजयालक्ष्मी आर्केड (रेल्वे लाइन), अशोक नगर (विजयपूर रोड), मुरारजी पेठ, कल्याण नगर (आसरा), सागर चौक (विडी घरकुल) या ठिकाणी नव्या रुग्णांची भर पडली आहे. 

शहरात आतापर्यंत 554 रुग्णांचा कोरोनामुळे मृत्यू झाला आहे. शहरात सध्या ऍक्‍टिव्ह रुग्णांच्या संपर्कातील 103 संशयित होम क्वारंटाईनमध्ये आहेत. तर 41 संशयित इन्स्टिट्यूशनल क्वारंटाईनमध्ये आहेत. दुसरीकडे 26 रुग्ण होम आयसोलेशनमध्ये आहेत. 

संपादन : श्रीनिवास दुध्याल