मंगळवेढा(सोलापूर) ः शहरासह ग्रामपंचायत हद्दीत आता कोरोना पसरू लागला असून रुग्णाच्या संख्येने आज 41 रूग्णांची भर टाकल्याने तालुक्‍यात रूग्णांच्या संख्येने त्रिशतक पार केले. 6 रूग्णांला आज डिस्जार्च देण्यात आला. तालुक्‍यातील नागरिकांमध्ये भीतीचे वातावरण निर्माण होवू लागले 

हेही वाचाः ज्येष्ठ नेते सुधाकरपंत परिचारक यांचे निधन 

आजच्या 41 रूग्ण पॉझीटीव्ह सापडल्याने एकूण रुग्णांच्या संख्या 333 झाली. आज 20 रूग्णाची रॅपिड एंटीजन चाचणी घेण्यात आली. त्यात 2 अहवाल पॉझिटिव्ह आले. ते दोघे आंधळगाव येथील आहेत. सोलापूरला पाठवलेल्या स्वॅबमधील 39 पॉझीटीव्ह आले. मरवडे 3, शिरनांदगी 02, तळसंगी 05, बोराळे 18, मंगळवेढा 8 ,दामाजी नगर 1,चोखोमेळा नगर 1, सिध्देवाडी 1 एकूण बाधितांची संख्या 333 वर गेली. 

हेही वाचाः मला पोलिस व्हायचय ! चारा विकुन शिक्षण घेणाऱ्या स्वावलंबी युवकाचे स्वप्न 

तालुक्‍यांच्या बहुतांश ग्रामीण भागात रुग्ण सापडल्यामुळे तालुका कोरोनामय होतो की काय अशी चर्चा सुरू झाली. आता पर्यंत 184 जणांना घरी सोडले तर 3 रुग्णाचा मृत्यू झाला. 146 जण आज अखेर उपचार घेत आहेत. कोविड केअर सेंटर आणि विलगीकरण कक्षातील रूग्णांवर वैदयकीय विभागामार्फत लक्ष ठेवण्यात येत असून आवश्‍यकते नुसार पुढील कार्यवाहीसाठी प्रशासन सज्ज आहे असल्याचे उपविभागीय अधिकारी उदयसिंह भोसले यांनी सांगितले.  

संपादनः  प्रकाश सनपूरकर