पुण्याहून हेलिकॉप्टरने आणून लावले पुतणीचे लग्न Sakal
सोलापूर

काकांची हौस! पुण्याहून हेलिकॉप्टरने आणून लावले पुतणीचे लग्न

जातेगावातील काकांची हौस! पुण्याहून हेलिकॉप्टरने आणून लावले पुतणीचे लग्न

नाना पठाडे

स्वतःच्या मुलीचे हौसेने लग्न लावणारे वडील खूप आहेत; पण भावाच्या मुलीचीसुद्धा लाखो रुपये खर्च करून हौस पूर्ण करणारे चुलते असावे लागतात.

पोथरे (सोलापूर) : स्वतःच्या मुलीचे हौसेने लग्न लावणारे वडील खूप आहेत; पण भावाच्या मुलीचीसुद्धा लाखो रुपये खर्च करून हौस पूर्ण करणारे चुलते असावे लागतात. अशापैकीच जातेगाव (ता. करमाळा) (Karmala) येथील दादासाहेब वारे आहेत. वारे यांनी भावाची मुलगी व जावई यांना पुणे (Pune) ते करमाळा हेलिकॅप्टरने (Helicopter) आणून पुतणीचा अविस्मरणीय विवाह (Marriage) सोहळा संपन्न केला आहे. त्यामुळे दादासाहेब वारे यांनी भावाच्या व आपल्या मुलीत भेद न मानता एकत्रित कुटुंब पद्धतीचा मोठा आदर्श निर्माण केला आहे.

जातेगाव (ता. करमाळा) येथील दादासाहेब वारे व नानासाहेब वारे हे दोघे भाऊ पुणे येथे लेबर कॉन्ट्रॅक्‍टर म्हणून काम करत आहेत. भाऊ नानासाहेब यांची कन्या माधुरी वारे हिचा विवाह देवळाली येथील मनोज दिलीप सुर्वे यांच्याशी करण्याचे ठरले. त्यामुळे भावाच्या मुलीचा विवाह सोहळा शाही थाटात करण्यासाठी दादासाहेब वारे यांनी पुढाकार घेतला व यासाठी त्यांनी वधू-वराला पुणे ते करमाळा हेलिकॉप्टरमधून आणायचे ठरवले. त्यानुसार खराडी येथील हेलिपॅडवरून हेलिकॉप्टर उडवण्यात आले. यामध्ये वधू माधुरी वारे, वर मनोज सुर्वे, वडील नानासाहेब वारे, चुलते दादासाहेब वारे, आजी इंदुमती वारे, वराचे भाऊ सूरज सुर्वे या हेलिकॉप्टरमध्ये बसले.

हेलिकॉप्टरमधून पिंपरी- चिंचवड येथील निगर्डे येथील संत बाळूमामाच्या मंदिरावर पुष्पवृष्टी केली. त्यानंतर करमाळा येथील कमालाभवानी मंदिराला दोन प्रदक्षिणा व जातेगाव येथील ग्रामदैवत काळभैरवनाथ मंदिराला दोन प्रदक्षिणा घालून करमाळा येथील यशवंतराव चव्हाण विद्यालयाच्या प्रांगणात हेलिकॉप्टर उतरवण्यात आले. या ठिकाणावरून पोथरे येथील आनंदी मंगल कार्यालयात नवरा-नवरीला आणून विवाह संपन्न झाला. या विवाह सोहळ्यातून दादासाहेब वारे यांनी भावाचे कसे संबंध व ऋणानुबंध असावे लागतात, हे दाखवून दिले आहे.

मुलांपेक्षाही मुलीला आम्ही जास्त प्राधान्य देतो. शिवाय ती भावाची मुलगी आहे, असा प्रश्न माझ्या मनात कधीही येत नाही. त्यामुळे मी पुणे ते करमाळा हेलिकॉप्टरमध्ये आणून पुतणीचे लग्न लावले.

- दादासाहेब वारे, जातेगाव, ता. करमाळा

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs NZ, 1st Test: बुम बुम बुमराह! तिसऱ्याच बॉलवर न्यूझीलंडच्या कर्णधाराला केलं क्लिन बोल्ड, दोन्ही ओपनर बाद; Video

IND vs NZ, 1st Test: शुभमन गिलने टॉस जिंकला! सिराज-जडेजाला मात्र बाहेर बसवलं, कोणाला मिळाली Playing XI मध्ये संधी?

अमेरिकेने इराणविरुद्धच्या युद्धात एक्स्पायर झालेली क्षेपणास्त्रे वापरली; सिनेट आर्म्ड सर्व्हिसेस कमिटीसमोर सुनावणी

Truck Bike Accident : तेरवीहून परतताना पती-पत्नी ठार; शिंदोला मार्गावर ट्रक-दुचाकीचा भीषण अपघात

Chadrapur Crime : चंद्रपूर हादरले! चौकात कवटी, रेल्वे पटरीलगत मृतदेह; दोन्ही अवयव एकाच व्यक्तीचे असल्याचा संशय

SCROLL FOR NEXT