सोलापूर : तू मला आवडतेस... माझ्यासोबत लग्न कर... असे म्हणून विजयपूर रस्त्यावरील हत्तूर येथील कलवरी नृत्याविष्कार बारमधील डान्सर मुलीचा विनयभंग केल्याप्रकरणी मॅनेजर शरण नागनाथ बसप्पा (रा. कलबुर्गी, कर्नाटक) याची सोमवारपर्यंत पोलिस कोठडीत रवानगी करण्यात आली आहे.

सोलापूर महापालिकेचा मोठा निर्णय...काय तो वाचा !

विश्रांती कक्षात केला विनयभंग
कलवरी नृत्याविष्कारमधील अल्पवयीन महिला डान्सरने तिने केलेल्या कामाचे पैसे मॅनेजर शरण याच्याकडे मागितले. माझी आजी आजारी आहे, तिला दवाखान्यात ऍडमिट केले आहे. माझे पैसे द्या, मला माझ्या गावी जाऊन यायचे आहे, असे ती शरणला म्हणाली. त्यानंतर शरण याने विश्रांती कक्षात जाऊन तू मला आवडतेस, माझ्यासोबत लग्न कर... असे म्हणून तिचा विनयभंग केला.

सोलापुरकरांसाठी खुशखबर...जिल्हा रुग्णालय पूर्ण होणार दिड वर्षात ​

तुम्ही असे करू नका..
माझे दुसऱ्या मुलाबरोबर लग्न ठरले आहे, तुम्ही असे करू नका... असे म्हणून डान्सर मुलीने शरण यास टाळले. तुला पैसे देत नाही, तुला काय करायचे आहे ते कर... असे म्हणून शरण याने त्या मुलीला शिवीगाळ केली. हा प्रकार मुलीने मित्राला सांगितला. त्याच्याशी चर्चा केल्यानंतर तिने विजापूर नाका पोलिसांत जाऊन फिर्याद दिली. या प्रकरणात शरण यास अटक करण्यात आली असून त्याची सोमवारपर्यंत पोलिस कोठडीत रवानगी करण्यात आल्याची माहिती पोलिस निरीक्षक हेमंत शेडगे यांनी दिली.