सोलापूर : वीजेचा धक्का बसून आई आणि मुलाचा मृत्यू झाला. ही घटना रविवारी सकाळी साडेसातच्या सुमारास घडली. वाळत घातलेले कपडे काढायला गेल्यानंतर तारेमध्ये असलेल्या वीजेच्या प्रवाहाने ही घटना घडल्याची माहिती समोर आली आहे.
अजय गणेश गंजी (वय 25), शशिकला गणेश गंजी (वय 45, रा. रविवार पेठ, सोलापूर) अशी मृतांची नावे आहेत. शशिकला गंजी या आज रविवारी सकाळी साडेसातच्या सुमारास राहत्या घरासमोर वाळत घातलेले कपडे काढण्यासाठी गेल्या होत्या. ज्या तारेवर कपडे होते, त्या तारेमध्ये विजेचा प्रवाह उतरला होता. वीजेच्या तारेला स्पर्श झाल्याने शशिकला या खाली कोसळल्या. आईला वाचवण्यासाठी मुलगा अजय धावून गेला. त्यावेळी त्यालाही विजेचा धक्का बसला. दोघेही बेशुद्ध पडले. दोघांना तत्काळ उपचारासाठी शासकीय रुग्णालयात दाखल करण्यात आले, मात्र उपचारापूर्वीच दोघांचा मृत्यू झाला. या घटनेची नोंद सिव्हिल हॉस्पिटल पोलिस चौकीत झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.