मोहोळ (सोलापूर) : मोहोळ तालुक्यात वेगवेगळ्या दोन घटनात दोघांचा मृत्यू झाला आहे. पहिली घटना मोहोळ शहरा नजीक घडली आहे, तर दुसरी घटना एकुरके (ता. मोहोळ) येथे घडली आहे.

मोहोळ पोलिसांकडून मिळालेल्या माहिती नुसार, मोहोळ शहरापासून जवळच असलेल्या गायकवाड वस्ती येथे राहणारे सुधीर दामाजी गायकवाड हे सकाळी सात वाजता त्यांचे टमटम घेऊन घरापासून मोहोळ कडे जाणाऱ्या बायपास रस्त्याने निघाले असता, त्यांच्या घरापासून शंभर फूट अंतरावर त्यांना एक अनोळखी पुरुष जातीचा मृतदेह आढळून आला. त्याच्याजवळ राऊंडअप नावाचे पिकावर फवारणी करण्याच्या औषधाची रिकामी बाटली पडलेली आढळून आली. त्याचे वय अंदाजे 50 ते 55 वर्ष आहे त्याचा सदरचे औषध प्राशन करून मृत्यू झाला आहे. या बाबत सुधीर दामाजी गायकवाड रा मोहोळ यांनी मोहोळ पोलिसात खबर दिली आहे.

दुसरी घटना एकुरके ता मोहोळ येथे घडली. शुक्रवारी रात्री शशिकांत महादेव शेटे वय 50 हे रात्री घरी जेवण करून घरातून बाहेर पडले ते बाहेर मित्रांसोबत गप्पा मारत बसतात उशिरा येथील म्हणून कुटुंबातील सर्व सदस्य नेहमी प्रमाणे झोपी गेले. शनिवार ता 18 रोजी पहाटे शशिकांत यांची पत्नी शोभा ही पहाटे तीन वाजता उठली.

शशिकांत रात्री जेवण करून गेल्यापासून घरी न आल्याचे तिने सर्वांना झोपेतून उठवुन सांगितले. सर्वजण त्यांचा शोध घेऊ लागले त्यांना मोबाइलद्वारे संपर्क साधण्याचा प्रयत्न केला पण तोही लागला नाही. सकाळी सात वाजण्याच्या सुमारास प्रफुल्ल धर्मराज शेटे यांनी घरी येऊन शशिकांत हा शिवराम हरिदास पवार यांच्या जमिन गट नंबर 95 मधील उसाच्या फडाच्या बांधा लगत मृत अवस्थेत दिसून आल्याचे सांगितले .या घटनेची खबर आकाश शशीकांत शेटे याने मोहोळ पोलिसात दिली आहे.तपास हवालदार गणेश पोफळे करीत आहेत.