Kakkalmeli 
सोलापूर

चांदी की सायकल सोने की सीट... वकिलाची वधूसह मांडवात चक्क सायकलवरून एंट्री ! 

सकाळ वृत्तसेवा

सोलापूर : लग्न समारंभात नव वधू-वरांचा भव्य वरातीने, ढोल-ताशा व बॅंड-बाजासह जल्लोषात मिरवणूक काढली जाते. त्यांचे मांडवात आगमनही भव्य-दिव्य स्वरूपात होते. मात्र सोलापुरात एका विवाह समारंभात अनोखा प्रसंग पाहायला मिळाला, तो पाहून वऱ्हाडी मंडळी अचंबितच झाले. येथील सोलापूर सायकलिस्ट फाउंडेशनचे कायदेशीर सल्लागार ऍड. मंजुनाथ कक्कळमेली यांनी स्वतःच्या विवाह सोहळ्यात नववधूला सायकलवर बसवून डबलसीट मांडवात प्रवेश केला. हे पाहून वऱ्हाडी मंडळी अचंबित झाले. मात्र, यावरून ऍड. कक्कळमेली यांनी उपस्थित पाहुण्यांना पर्यावरणपूरक सायकलिंगचे महत्त्व सांगणारा संदेश दिला. 

लग्न समारंभात नवदाम्पत्याचे अनोख्या पद्धतीने स्वागत करणे हे आजकाल आपण पाहतो. पण त्याहूनही असा वेगळ्या स्वरूपात लग्न मंडपात नव वधू - वर सायकलवरून डबलसीट एन्ट्रीचा प्रसंग एका विवाह सोहळ्यात पाहण्यास मिळाला. हा प्रसंग सोलापुरातील ऍड. मंजुनाथ कक्कळमेली यांच्या विवाह सोहळ्यात पाहता आला. 

सोलापूर सायकलिस्ट फाउंडेशनचे कायदेशीर सल्लागार असलेले ऍड. मंजुनाथ कक्कळमेली यांनी नववधू सोबत विवाह मंडपात चक्क सायकलवर स्वार होऊन प्रवेश केला. स्वतःच्या लग्नात त्यांनी अशा प्रकारे एन्ट्री केल्याने सर्व पाहुणे मंडळींची वाढलेली उत्सुकता संपली आणि त्यांना आश्‍चर्याचा सुखद धक्काही बसला. 

या वेळी सायकलिस्ट फाउंडेशन, सोलापूर व स्मार्ट रोड सेफ्टी फाउंडेशनतर्फे नवीन जोडप्यांना आठ देशी झाडे भेट देण्यात आली. या वेळी महापालिकेचे उपायुक्त धनराज पांडे, फाउंडेशनचे अध्यक्ष प्रा. सारंग तारे, सचिव भाऊराव भोसले, गणेश शिलेदार, भारतीय नौदल अधिकारी विश्वनाथ गायकवाड, संदीप पाटील, रजनीकांत जाधव, चेतनकुमार लिगाडे उपस्थित होते. 

व्यायामासाठी सायकल उपयुक्‍त 
शक्‍य असल्यास वाहनांचा वापर टाळावा. सायकलचा उपयोग करून पर्यावरणाचीही जपणूक करता येईल. तसेच कोरोना महामारीच्या पार्श्वभूमीवर मानसिक तसेच शारीरिक संतुलन राहावे, यासाठी सायकलिंगसारखा दुसरा व्यायाम नाही. त्यामुळे सर्वांना सायकलिंगचे महत्त्व कळावे व स्वास्थ्य चांगले राहावे, हा संदेश यातून देण्यात आला. 

संपादन : श्रीनिवास दुध्याल

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

इंदिरा गांधींकडून सुनेला थेट मारुती कंपनी भेट? सोनिया गांधींबाबत BJP खासदाराचा मोठा दावा; चौकशी अहवालातून धक्कादायक खुलासे समोर

Eknath Shinde Pandharpur Visit : 'विठुराया दुष्काळाचं संकट दूर होऊदे'; उपमुख्यमंत्री एकनाथ शिंदे यांचे विठ्ठल-रुक्मिणीला साकडे

Narhari Zirwal Private Secretary : मंत्री नरहरी झिरवाळ यांच्या तत्कालीन खासगी सचिवांचे थेट निलंबन, कर्मचाऱ्यांवर टाकला होता दबाव; सर्वात मोठ्या कारवाईने खळबळ

Latest Marathi News Live Update : मुंबईतील १५ ठिकाणी ‘पे अँड पार्क’ला तात्पुरती स्थगिती; मान्यवरांच्या वाहनांनाच पार्किंगची परवानगी

Pune Weather: महाबळेश्वरपेक्षाही , पुण्याचे तापमान थंड, किमान तापमान ११.३ अंशांवर

SCROLL FOR NEXT