सोलापूर : जिल्ह्यातील मुदत संपलेली माढा व माळशिरस तर नव्याने निर्माण झालेली महाळुंग-श्रीपूर, वैराग व नातेपुते नगरपंचायतीसाठी उद्या (ता. २१) मतदान होणार आहे. दरम्यान, ओबीसी आरक्षणाच्या अध्यादेशाला स्थगिती मिळाल्याने ओबीसी प्रभागातील निवडणुकही स्थगित करण्यात आली आहे. त्यामुळे उर्वरित जागांसाठी मंगळवारी मतदान होत आहे. या पाच नगरपंचायतीमध्ये महाळूंग-श्रीपूरमध्ये भाजप-राष्ट्रवादी, अशी सरळ लढत लागली असून १३ जागांसाठी ८३ उमेदवार आपले भविष्य आजमावत आहेत. १२ हजार २०२ मतदाराकरीत १३ मतदार केंद्र सज्ज करण्यात आली आहेत.

नातेपुते नगरपंचायती निवडणूक स्थानिक आघाडीवर होत असून येथे १३ जागासाठी ५४ उमेदवार रिंगणात आहेत. वैराग येथे भाजप-शिवसेना-राष्ट्रवादी अशी तिरंगी लढत असून १३ जागांसाठी ४८ उमेदवार रिंगणात आहेत. वैराग नगरपंचायातीकरीता ११ हजार १०७ मतदार असून १३ मतदार केंद्र आहेत. माढा नगरपंचायतीत १३ जागांसाठी ३७ उमेदवार रिंगणात आहेत.माळशिरसमध्ये १३ प्रभागात ४५ उमेदवार निवडणूक लढवत आहेत. माढा शहरात एकूण ७ हजार २३३ मतदार आहेत.