सोलापूर ः जिल्ह्याच्या ग्रामीण भागात कोरोनाचा प्रादुर्भाव मोठ्या प्रमाणात वाढू लागला आहे. आज दुपारी चार वाजता आलेल्या अहवालामध्ये अक्कलकोट तालुक्यात चार, दक्षिण सोलापूर तालुक्यातील कुंभारीत तीन तर बार्शीमध्ये दोन नवे कोरोनाबाधित रुग्ण आढळले आहेत. त्यामुळे ग्रामीण भागात कोरोनाबाधितांची संख्या 148 एवढी झाली आहे.
अक्कलकोट तालुक्यातील मैंदर्गी येथे एक पुरुष व एक स्त्री, म्हाडा कॉलनी अक्कलकोट येथे एक स्त्री, पिरजादे प्लॉट अक्कलकोट येथे एक पुरुष, अश्विनी वैद्यकीय महाविद्यालय कुंभारी येथील क्वार्टर्समध्ये दोन पुरुष, कुंभारी गावात एक स्त्री तर बगले बरड, सोलापूर रोड बार्शी येथे दोन पुरुषांना कोरोनाची लागण झाली आहे. त्यामुळे आज एकूण नऊ जणांना नव्याने कोरोनाची लागण झाली आहे. त्यामध्ये काही रुग्ण संपर्कातील तर काही सारीचेही आहेत. अद्यापही 28 जणांचे अहवाल प्राप्त झालेले नाहीत. आज 92 अहवाल प्राप्त झाले. त्यापैकी 83 जणांचे अहवाल हे निगेटिव्ह आले तर नऊ जणांचे अहवाल पॉझिटिव्ह आले आहेत. अद्यापही दवाखान्यात 71 जण उपचार घेत आहेत. दिलासादायक बाब म्हणजे मागील दोन दिवसात एकही व्यक्ती मृत झालेली नाही. मृतांची एकूण संख्या 11 एवढी कायम आहे. रुग्णालयातून बरे होऊन 66 जण घरी गेले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.