सोलापूर : सोलापूरचे पालकमंत्री दत्तात्रय भरणे उद्या (शनिवार, ता. 4) सोलापूर जिल्ह्याच्या दौऱ्यावर येत आहेत. सकाळी सव्वानऊ वाजता मोहोळ तालुक्यातील वडवळ येथे कृषी संजीवनी सप्ताह कार्यक्रम व शेतकऱ्यांना बांधावर खत वाटप कार्यक्रमास ते उपस्थित राहणार आहेत. याप्रसंगी मोहोळचे आमदार यशवंत माने यांची प्रमुख उपस्थिती असणार आहे. त्यानंतर पावणेदहा वाजता ते वडवळ येथून सोलापूरकडे रवाना होणार आहेत.
सकाळी दहा वाजता जिल्हाधिकारी कार्यालयात आढावा बैठक घेणार आहेत. सोलापूर शहर व जिल्ह्यातील कोरोनाचा प्रादुर्भाव रोखण्यासाठी जिल्हा प्रशासनाच्यावतीने करण्यात येत असलेल्या उपाययोजना, कोरोनाची स्थिती याबाबतचा आढावा ते घेणार आहेत. जिल्हाधिकारी कार्यालयात सकाळी दहा वाजता या बैठकीला सुरुवात होणार आहे.
या बैठकीला सोलापूर जिल्ह्यातील सर्व प्रमुख प्रशासकीय अधिकारी उपस्थित असणार आहेत. त्यानंतर दुपारी बारा वाजता पालकमंत्री भरणे यांचे सोलापुरातील सातरस्ता येथील शासकीय विश्रामगृहात आगमन होणार आहे. दुपारी साडेबारा वाजता सोलापुरातील विश्रामग्रह आतून ते बारामतीकडे रवाना होणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.