सोलापूर : शहरातील कोरोनाचा संसर्ग कमी होण्यासाठी संशयितांचे टेस्टिंग वाढवा, असे निर्देश पालकमंत्री दत्तात्रय भरणे यांनी काही दिवसांपूर्वी महापालिका प्रशासनाला दिल्या. मात्र, अद्याप टेस्टिंगचे प्रमाण कमीच असल्याचे दिसून येते. दरम्यान, शुक्रवारी (ता. 25) शहरातील 612 संशयितांची कोरोना टेस्ट झाली. मात्र, महापालिकेच्या कोरोना रिपोर्टमध्ये 614 व्यक्‍तींचा अहवाल प्राप्त झाल्याची माहिती देण्यात आली. त्यानंतर त्या अहवालाचे शुध्दीपत्रक काढण्यात आले. 614 नव्हे तर 612 संशयितांची टेस्ट झाली होती, अशी दुरुस्ती वैद्यकीय अधिकाऱ्यांनी केली. एक महिन्यानंतर 30 मृत्यूची नोंद घेण्यात आली होती. त्यानंतर आरोग्य विभागाकडून झालेली ही दुसरी चूक आहे.
शहरातील आजचा कोरोना रिपोर्ट
शहरातील आठ हजार 185 व्यक्‍तींना आतापर्यंत कोरोनाची बाधा झाली आहे. त्यात चार हजार 805 पुरुष आणि तीन हजार 380 महिलांचा समावेश आहे. दुसरीकडे मृतांमध्ये 314 पुरुष आणि 152 महिला आहेत. रुग्ण आणि मृतांमध्ये महिलांच्या तुलनेत पुरुषच सर्वाधिक आहेत. आज शहरात 68 जण पॉझिटिव्ह सापडले असून त्यात 52 पुरुष तर 16 महिला आहेत. शारदा नगरातील 66 वर्षीय पुरुषाचा आज मृत्यू झाला आहे. मुकूंद नगर (न्यू बुधवार पेठ), होटगी नाका, दक्षिण कसबा, रोहिणी नगर, आनंद नगर, विजयालक्ष्मी नगर, जयकुमार नगर (विजयपूर रोड), लोकमान्य हौसिंग सोसायटी (कुमठा नाका), बुधवार पेठ, भवानी पेठ, सहारा नगर, अंत्रोळीकर नगर, अशोक नगर (होटगी रोड), रेल्वे लाईन, थोबडे वस्ती (देगाव), जयलक्ष्मी नगर, विद्या नगर (शेळगी), इंडियन मॉडेल स्कूलजवळ, सुशिल नगर, दत्त नगर, श्रीकांत नगर, दोंडे नगर, भिमा नगर (जुळे सोलापूर), भिम नगर (मजरेवाडी), सनसिटी, गवळी वस्ती (दमाणी नगर), कमला नगर, भारत्न इंदिरा नगर, गुरुवार पेठ, सिध्देश्‍वर पेठ, जम्मा वस्ती (संतोष नगर), हिरेहब्बू कॉम्प्लेक्‍स (उत्तर कसबा), ब्रह्मदेव नगर (होटगी रोड), गणेश नगर, अंबिका नगर (बाळे), राघवेंद्र नगर, न्यू पाच्छा पेठ, सवेरा नगर (सैफूल), बंजारा सोसायटी, विजापूर नाका, पी.डब्ल्यूडी क्‍वॉर्टर, मुरारजी पेठ, मंगल रेसिडेन्सी (आसरा चौक), लिमयेवाडी, गायत्री नगर (वसंत विहार), भारत नगर (विडी घरकूल), भाग्योदय हौसिंग सोसायटी, नम्रता हौसिंग सोसायटी या ठिकाणी नव्या रुग्णांची भर पडली.
ठळक बाबी...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.