कोळा - सांगोला तालुक्यातील महालक्ष्मी यात्रेमध्ये भरविण्यात आलेल्या खिलार जनावराच्या बाजारात कोठ्यावधी रुपयाची उलाढाल झाली. यामध्ये लहान खोंडाना व्यपारी वर्गातून मोठ्या प्रमाणात मागणी करण्यात आली. या बाजारात नितीन देशमुख यांच्या १३ महिन्याच्या खोंडाला १२ लाख रूपये किमतीत मागणी झाली. मात्र त्यांनी आपले खोंड विकले नाही.
कोरोनाचा प्रादुर्भाव कमी झाल्यानंतर तीन वर्षानंतर खिलार जानावराचा बाजार भरला होता. यामध्ये सोलापूर, पंढरपूर, सांगली, पुणे, सातारा, अहमदनगर आदी भागातून पाच हजार खिलार जनावरे दाखल झाली होती. वळूपालक नितीन देशमुख यांच्या १३ महिन्याच्या खोंडाला १२ लाखाची मागणी झाली आहे. मात्र त्यांनी आपले खोंड विक्री केले नाही. कोल्हापूर जिल्ह्यातील प्रदर्शनासाठी आपण हे खोंड ठेवले असल्याचे नितीन देशमुख यांनी सांगितले. तर बिरा सरगर यांची कपिला बैल जोडी या यात्रेमधील प्रमुख आकर्षण ठरली.
बैलगाडा शर्यतीवर बंदी उठल्यामुळे खिलार खोंडाची व खिलार जोड्यांची विक्री मोठया प्रमाणात झाल्याचे व्यापारी वर्गातून सांगण्यात आले., यावेळी खिलार जनावरे खरेदी करण्यासाठी व्यापारी वर्गाची संख्या मोठ्या प्रमाणात होती. यात्रा कमिटीच्या वतीने जनावर बाजाराचे व्यवस्थित नियोजन केले होते तर पिण्याच्या पाण्याचीही सोय मोफत केली होती. बाजारामध्ये जनावरासाठी लागणारे कासरे, वेसण, झुल आदीनी दुकाने सजली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.