मोहोळ :  देत येथील एक मोलमजुरी करून घरी निघालेल्या मजुरास भरधाव वेगाने निघालेल्या मोटारसायकल स्वाराने जोराची धडक दिल्यामुळे संबधित मजुराचा जागीच मृत्यु झाल्याची घटना ता.26 रोजी घडली.

याबाबत  मिळालेल्या अधिक माहितीनुसार तुकाराम ज्ञानदेव माळी (वय ५५ ) रा . गवत्या मारूती चौक मोहोळ हे दिवसभर मोलमजुरी करून  आपल्या घरी परत येत असताना  चंद्रमौळी औद्योगिक वसाहती जवळ सोलापुरहुन भरधाव वेगाने  मोटारसायकल वरून मोहोळकडे  निघालेल्या ( मोटार सायकल क्रं .M H 25 A.R. 9561  ) रमेश राजु पोवार रा .आलुर  ता .उमरगा जि .उस्मानाबाद याने रस्त्यावरून चालत चाललेल्या तुकाराम माळी यास जोराची धडक दिल्याने तुकाराम माळी हा गंभीर जखमी होऊन जागीच मृत्यु झाला.

या अपघाताबाबत उशीर प्रर्यत पोलीस स्टेशनमध्ये अपघाताची खबर नोंदविण्यात आली नव्हती . तुकाराम माळी यांच्या पश्चात  पत्नी, दोन मुले व एक मुलगी (अविवाहीत ) असुन अतिशय कष्टाला काटक, प्रामाणिक व दररोज मिळेल तिथे मोलमजुरी करून प्रपंचाला पैसे उपलब्ध करायचे  असा स्वभाव व दिनचर्या तुकाराम माळी यांची असल्यामुळे त्याच्या अपघाती निधनाबद्धल सर्वत्र हळहळ व्यक्त होत आहे .