नायगाव : मुरूडहून लातूरला जाण्यासाठी महत्त्वाचा असलेला लातूर ते बार्शी या मुख्य महामार्गाची मोठी दुरवस्था झाली आहे. या रस्त्याच्या कामाला मुहूर्त लागत नाही. वाहनधारक व नागरिक मात्र या रस्त्याच्या दुरावस्थेने त्रस्त झाले आहेत. या रस्त्यावर अपघाताचेही प्रमाण वाढल्याने या महामार्गाचे काम तत्काळ सुरू करण्याची मागणी येथील नागरिकांतून होत आहे.

या मार्गावरील गावांना लातूरची सर्वात मोठी बाजारपेठ असल्याने परिसरातील दोन जिल्ह्यातून लोकांची या महामार्गावर वाहतूक सुरू असते. मात्र सध्या या रस्त्यावर खड्डेपडून मोठी दुरवस्था झाली आहे. त्यामुळे वाहने सावध व कसरतीने चालवावी लागतात. पावसाचे पाणी रस्त्यावरील खड्यात साचल्याने खड्याचा अंदाज वाहनचालकांना येत नाही. त्यामुळे या महामार्गवर अपघाताचे प्रमाणही वाढले आहे.