सोलापूर : राज्यातील अंशतः अनुदान घेणाऱ्या शाळेतील सुमारे 30 हजार कर्मचाऱ्यांवर शालार्थ प्रणालीचे कामकाज पूर्ण न झाल्याने बिनपगाराचे जीवन जगण्याची वेळ आली आहे. आधीच राज्यात कोरोनाचा वाढता संसर्ग त्यातच लॉकडाउनची परिस्थिती. त्यात शालार्थमध्ये नाव नोंदणी होत नसल्याने या महिन्यापासून पगार बंद झाला आहे.
हेही वाचा : "और हड्डी गले में फंस गई'प्रकरणी बोकडाच्या जेवणाच्या आयोजकासह "हात धुतलेल्यां'विरुद्धही गुन्हा दाखल
अंशतः अनुदानित शाळांचे शालार्थ प्रणालीत नाव समाविष्ट करण्यासाठी जून 2019 पासून शासनाने राज्याच्या शिक्षण विभागाला पत्र दिले होते. परंतु संबंधित पुणे उपसंचालक कार्यालयातील कर्मचारी कुणाचेच ऐकत नसल्याने शासनाने पगारासाठी ऑफलाइन परवानगी दिली होती. कित्येकदा ही मुदत वाढवून दिली; परंतु या प्रणालीत कित्येक शाळांची व कर्मचाऱ्यांची नावे अद्याप समाविष्ट करण्यात आलेली नाहीत. गेल्या महिन्यात काही शाळांचा यामध्ये समावेश करण्यात आला आहे. परंतु, कर्मचाऱ्यांची नावे चुकीची समाविष्ट केल्याने अद्याप महिना उलटून गेला तरी दुरुस्तीही झाली नाही.
पुण्यातील संबंधित कर्मचाऱ्याने हे काम बाहेरून करून घेतल्याने कर्मचाऱ्यांची नावे चुकीची कंपोझ केली गेली असल्याची चर्चा सुरू आहे. याचा फटका तुटपुंज्या पगारावर काम करणाऱ्या शिक्षकांना बसला आहे. त्यांना या महिन्यात विना वेतन राहण्याची वेळ आली आहे. वेतनासाठी शासनाने ऑफलाइन वेतनाचे पत्र काढण्याची मागणी या शिक्षक-शिक्षेकेतर कर्मचाऱ्यांनी केली आहे.
संपादन : श्रीनिवास दुध्याल
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.