Manoj Jarange Patil Solapur Rally : मराठा समाजाला ओबीसीमधून आरक्षण देण्याच्या मागणीसाठी मराठा आरक्षणाचे नेते मनोज जरांगे-पाटील यांच्या नेतृत्वाखाली सोलापूर येथे सात ऑगस्ट रोजी मराठा आरक्षण जनजागृती व शांतता रॅली होणार आहे. या रॅलीत मोठ्या संख्येने सहभागी होण्यासाठी सकल मराठा समाजाच्या वतीने करमाळा येथे बैठकीचे आयोजन करण्यात आले.

करमाळा येथील विकी मंगल कार्यालयात ही बैठक घेण्यात आली. यावेळी मोठ्या संख्येने लोक उपस्थित होते. या शांतता रॅलीसाठी करमाळ्यातील मराठा बांधवांनी बहुसंख्येने सहभागी व्हावे, असे आव्हान सोलापूर जिल्हा मराठा समाजाचे समन्वयक माऊली पवार यांनी केले.

यावेळी माऊली पवार म्हणाले, सरकार जाणूनबुजून मराठा व इतर समाजात वाद लावण्याचा प्रयत्न करत आहे. परंतु आपला लढा हा कोणत्याही जातीच्या व धर्माचे विरोधात नसून आपल्याला आपल्या हक्काचे ५० टक्क्यांच्या आतून ओबीसी आरक्षण मिळवायचे आहे व आपल्या लेकरा-बाळांचे भवितव्य सुरक्षित करायचे आहे म्हणून सर्व मराठा समाज बांधवांनी बहुसंख्येने सहभागी होण्याचे आव्हानही त्यांनी आहेत.

करमाळा तालुक्यातील या बैठकीसाठी माजी आमदार नारायण पाटील, विद्या विकास मंडळाचे सचिव विलासराव घुमरे, दत्तकला शिक्षण संस्थेचे अध्यक्ष प्रा. रामदास झोळ, खरेदी-विक्री संघाचे अध्यक्ष शंभूराजे जगताप, कमलाई कारखान्याचे अध्यक्ष विक्रमसिंह शिंदे, भाजपचे दिग्विजय बागल, प्रा. गणेश देशमुख, प्रा. शिवाजी शिंदे, जीवन यादव, वैभव पवार मोठ्या संख्येने लोक उपस्थित होते. प्रास्ताविक करमाळा तालुका मराठा सेवा संघाचे अध्यक्ष सचिन काळे यांनी केले. सूत्रसंचालन प्राचार्य मिलिंद फंड यांनी केले.