मोहोळ: येत्या विधानसभा निवडणुकीच्या पार्श्वभूमीवर राष्ट्रवादी काँग्रेस (शरदचंद्र पवार) पक्षाच्या खासदार सुप्रियाताई सुळे यांची मोहोळ चे शिंदे सेनेचे युवा नेते सोमेश क्षीरसागर यांनी भेट घेतली. त्यामुळे तालुक्यात उलट सुलट चर्चेला उधाण आले आहे.

श्री क्षीरसागर यांनी मोहोळ विधानसभा मतदार संघातील विविध प्रश्नां संदर्भात त्यांच्याशी चर्चा केली. जेष्ठ नेते नागनाथ क्षीरसागर यांच्या माध्यमातून गेल्या 30 वर्षा पासून क्षीरसागर कुटुंबीय समाजकारण व राजकारणात सक्रिय आहे. या सर्व गोष्टींचा विचार करून मोहोळ विधानसभा मतदार संघाचे प्रतिनिधीत्व करण्यासाठी संधी मिळावी अशी मागणी त्यांनी केली.

अनगर येथील अप्पर तहसील कार्यालय संदर्भात मोहोळ तालुका बचाव संघर्ष समितीच्या वतीने जो लढा दिला होता, त्या संदर्भात ही माहिती दिली. धनगर जमातीला एस.टी (ST) प्रवर्गातील आरक्षण मिळावे, महाराष्ट्रभर जी आंदोलने होत आहेत त्या पार्श्वभूमीवर धनगर समाजासाठी अनुसूचित जमातीचे प्रमाणपत्रा साठी राज्यस्तरीय विशेष कमिटीचा सदस्य या नात्याने खा. सुळे यांच्याशी चर्चा केली.