सांगोला (सोलापूर) : सार्वजनिक ठिकाणी मास्क वापरणे, दुकानदार व व्यावसायिकांनी मास्क, हॅन्ड ग्लोव्हज वापरणे, सोशल डिस्टन्स नियमाचे पालन करणे बंधनकारक असताना काही नागरिक व दुकानदारांनी याचे पालन न केल्याने सांगोला नगरपरिषदेने अशा व्यक्तींवर दंडात्मक कारवाई करत 25 ते 29 मे या पाच दिवसांत 76 हजार 700 रुपयांचा दंड वसूल केला असल्याची माहिती मुख्याधिकारी कैलास केंद्रे यांनी दिली. 

दंडात्मक कारवाईचे आदेश 
जिल्हाधिकाऱ्यांच्या आदेशाप्रमाणे कोरोना विषाणूचा संसर्ग टाळण्यासाठी सार्वजनिक ठिकाणी प्रत्येक नागरिकाने मास्क वापरणे, दुकानदार व्यावसायिकांनी मास्क व ग्लोव्हज वापरणे, सोशल डिस्टन्स नियमाचे पालन करणे गरजेचे आहे. नागरिक, दुकानदार, व्यावसायिकांनी जिल्हाधिकाऱ्यांच्या आदेशाचे पालन न केल्यास दंडात्मक कारवाईचे आदेश दिले आहेत. 

हेही वचा : धोका पत्करून वाचवला तरुणांचा डोळा 

पाच दिवसांची कारवाई 
सांगोला नगरपरिषदेने 25 ते 29 मे दरम्यान पाच दिवसांच्या कालावधीत अशा विविध नागरिक, व्यावसायिकांवर दंडात्मक कारवाई केली. सार्वजनिक ठिकाणी मास्क, रूमाल न वापरणाऱ्या 206 जणांकडून 20 हजार 600 रुपये, फिरते फळे-भाजी विक्रेत्यांनी मास्क, हॅन्ड ग्लोव्हज न वापरणाऱ्या 18 जणांकडून तीन हजार 600 व दुकानदार, व्यावसायिकांनी मास्क व हॅंड ग्लोव्हज न वापरणाऱ्या 105 जणांकडून 52 हजार 500 असे एकूण 70 हजार 700 रुपयांचा दंड वसूल केला. नागरिकांनी यापुढे जिल्हाधिकाऱ्यांच्या नियमांचे काटेकोर पालन करावे, असे आवाहन मुख्याधिकारी कैलास केंद्र केले आहे. 

हेही वाचा : सोलापूरला बाप नसल्याची भावना अधोरेखीतच !  महापालिका आयुक्त बदलले; जिल्हाधिकारी सुटले?

संसर्ग टाळण्यासाठी खबरदारी घ्यावी 
नागरिक, दुकानदारांकडून दंड वसूल करणे महत्त्वाचे नसून प्रत्येकाने कोरोना संसर्ग टाळण्यासाठी खबरदारी घ्यावी हे महत्त्वाचे आहे. सर्वांनीच नियमाचे काटेकोर पालन केल्यास आपणाला कोरोना संसर्गाला आळा घालता येईल. परंतु, नियमाचे पालन न केल्यास यापुढेही दंडात्मक कारवाई सुरूच असेल. 
- कैलास केंद्रे, 
मुख्याधिकारी, सांगोला.