सोलापूर : सोलापूरच्या भविष्यासाठी होटगी रोड विमानतळाऐवजी बोरामणी विमानतळ योग्य आहे. हजारो कामगारांचे कुटुंब, लाखो शेतकऱ्यांचे अर्थार्जन असलेल्या श्री सिद्धेश्वर साखर कारखान्याची चिमणी पाडकामासाठी महापालिकेने दिलेली नोटीस रद्द करावी, अशा मागणीचे निवेदन श्री सिद्धेश्वर शुगर कामगार युनियनचे सुभाष शेजवाल यांनी महापालिका आयुक्त शीतल तेली-उगले यांना दिले.
श्री सिद्धेश्वर सहकारी साखर कारखान्यावर हजारो कामगार व शेतकऱ्यांचा उदरनिर्वाह चालतो. काही मूठभर लोक विमानसेवेच्या नावाखाली राजकारण करीत आहेत. विमानसेवेपेक्षा चिमणी पाडून कारखाना बंद करण्याचा कुटील डाव रचत आहेत. प्रशासनाकडून होणारी अन्यायकारक कारवाई त्वरित थांबवण्यात यावी. तसेच चिमणी पाडकामप्रकरणी दिलेली नोटीस रद्द करावी. बोरामणी येथील विमानतळ सुरू करावे.
राष्ट्रीय हरित लवादाचा अन्यायकारक आदेश रद्द करण्यात यावा तसेच कारखान्यावर अवलंबून असणाऱ्या हजारो शेतकरी व कामगारांवर होणारा अन्याय थांबवावा, अशा मागणीचे निवेदन श्री सिद्धेश्वर शुगर कामगार युनियनच्यावतीने आयुक्त शीतल तेली-उगले यांना देण्यात आले. यावेळी माजी नगरसेवक सुभाष शेजवाल, कामगार युनियनचे अध्यक्ष भीमराव बिराजदार, उपाध्यक्ष धप्पाधुळे, राजू पाटील, जगन्नाथ पाटील, उमाकांत कारंडे आदी पदाधिकारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.