सावळेश्वर (सोलापूर) : ग्रामपंचायत सावळेश्वरची यावेळची निवडणूक रंगतदार ठरली आहे. यामध्ये वार्ड क्रमांक चारमध्ये एक सदस्य केवळ एकमताने निवडून आला तर दुसरा चिट्टीद्वारे गेल्याने यावेळी ब्रम्हनाथ ग्रामविकास आघाडीची सत्ता एक मताने म्हणजे ११ पैकी सहा सदस्यच मिळवण्यात यश आले.

सोलापूरच्या बातम्यांसाठी येथे क्लिक करा 

गेल्या पंचवार्षिकमध्ये ११ पैकी १० सदस्य असलेल्या व आता फक्त सहा सदस्यावरच समाधान मानावे लागले. हे मिळालेले यश काठावर असल्यामुळे सहा सदस्य घेऊन परराज्यातील हैद्राबाद, विशाखापटणम, विजयवाडा, कन्याकुमारी आदी ठिकाणी सरपंच आरक्षण सोडत झाल्याच्या रात्रीपासून कुटुंबासह गाव सोडलेल्या सदस्यांना आता सरपंच निवडीच्या कार्यक्रमाचे वेध लागले आहेत. 

ताज्या बातम्यांसाठी डाऊनलोड करा ई-सकाळचे ऍप 

फिरायला गेलेल्या सदस्यापैकी एखादा सदस्य आपल्याकडे येऊ शकतो का ? यासह अन्य बाबींचा अंदाज विरोधी गट घेत आहे. त्यामुळे सहा जागा निवडून आल्यानंतरही चिंतेत असलेल्या पॅनलप्रमुखाला सरपंच निवड होईपर्यंत चिंता लागून राहिली आहे. विशेष म्हणजे या निवडणुकीत सत्ताधारी गटात जावई, तर विरोधी गटात सासुबाई उभ्या होत्या. त्यांचा केवळ एका मताने पराभव झाला व जावई ही पराभूत झाले आहेत. वॉर्ड क्रमांक १ मधून दोन अविवाहित पुरुष निवडून आले, तर वॉर्ड क्रमांक तीनमधून एक अविवाहित महिला निवडून आली आहे. एकंदरीत मतदारांनी तरुण चेहऱ्यांना संधी दिली आहे .

ठळक बाबी

मोहोळ तालुक्यातील ग्रामपंचायतीच्या सरपंच निवडी (ता. ०९) फेब्रुवारी व (ता. ११) फेब्रुवारीला होणार. 
कर्मचारी कमी असल्याने पहिल्यांदाच सरपंच निवडीसाठी इतर विभागातील कर्मचाऱ्यांची नेमणूक करण्यात आली .