सोलापूर: स्पर्शरंग कला परिवारचे विपूल मिरजकर यांनी अभिनेते सोनू सूद यांच्या घरी रांगोळी साकारली. हे पाहण्यासाठी कला क्षेत्रातील मान्यवरांसह इतरांची गर्दी झाली होती. विशेष म्हणजे सुरक्षिततेच्या नियमांचे पालन करण्यात आले. 

हेही वाचाः एप्रिलपासून 2.89 लाख ग्राहकांनी भरली नाहीत वीजबिले ! 181.45 कोटी थकबाकी 

कोरोना महामारीच्या पार्श्वभूमीवर राज्यातील स्थलांतरित लोकांना त्यांच्या घरी सुखरूप पोहोचावेत, यासाठी अभिनेता सोनू सुद याने मोलाचे परिश्रम घेतले. त्याच्या कार्याला सलाम म्हणून सोलापुरातील रांगोळी कलाकार विपूल मिरजकर यांनी स्वत:च्या घरी अभिनेता सोनू सूद याचे स्थलांतरितांना केलेली मदत, याची हुबेहूब मांडणी आपल्या रांगोळीत साकारली. त्यातून त्याने सोनू सुदच्या कार्याचा गौरव केला. त्याने काढलेल्या रांगोळीचा प्रतिकृतीचा फोटो हा सोशल मीडियाद्वारे सोनू सुदपर्यंत पोहोचला. त्यांनी आग्रह केला की माझ्या स्वतःच्या घरी येऊन तशा प्रकारची रांगोळी तू साकारावी. त्याच्या आग्रहामुळे विपूल याने त्याच्या मुंबई येथील राहत्या घरी जाऊन रांगोळी साकारली. सोनू सुद यांनी त्याचे व संपूर्ण स्पर्शरंग कला परिवाराचे कौतुक केले. स्पर्शरंग कला परिवाराचे सागर भारती, रुचिता आडम, अश्विनी चिल्का यांना व्हिडिओ कॉलद्वारे संवाद साधून कौतुक केले.