करमाळा : माढा लोकसभा मतदारसंघाचे महायुतीचे उमेदवार खासदार रणजितसिंह नाईक निंबाळकर यांच्या प्रचारासाठी करमाळा तालुक्याच्या विविध भागात २२ व २३ एप्रिल दोन दिवस सभा व मोटार सायकल रॅलीचे आयोजन करण्यात आले आहे.सावडी (ता. करमाळा) येथून सोमवारी (ता. २२) त्यांच्या दौऱ्याला सुरवात होणार आहे.

तालुक्यातील सावडी, करमाळा, साडे, कंदर, चिकलठाण, येथे प्रचार सभा होणार आहेत. या दौऱ्यादरम्यान आमदार संजय शिंदे, माजी आमदार जयवंतराव जगताप, भाजपच्या रश्मी बागल एकाच व्यासपीठावर येणार आहेत. याप्रसंगी ‘महायुतीमधील भाजपसह राष्ट्रवादी (अजित पवार), शिवसेना (शिंदे गट), रासप, आरपीआय (ए), रयत क्रांती यांच्यासह सर्व मित्र पक्षाचे पदाधिकारी व कार्यकर्ते यांच्या उपस्थितीत राहणार आहेत.

यावेळी करमाळा शहरातील सर्व महापुरुषांच्या पुतळ्यांना अभिवादन केले जाणार आहे. सोमवारी सावडी येथील नवीन मंगल कार्यालय येथे सकाळी ९ ते १२ या वेळेत सभा होणार आहे. यावेळी कोर्टी व केत्तूर गणातील गावांमधील नागरिक उपस्थित राहणार आहेत.

दुपारी २ ते ५ यावेळेत करमाळा येथील विकी मंगल कार्यालयात होणाऱ्या सभेला करमाळा शहरासह पांडे, रावगाव व वीट गणातील गावातील नागरिक उपस्थित राहणार आहेत. त्यानंतर सायंकाळी ६ ते १० यावेळेत बाईक रॅली निघणार आहे.

मंगळवारी (ता. २३) सकाळी ९ ते १२ या वेळेत कंदर येथील साई कृपा मंगल कार्यालय येथे सभा होणार आहे. त्यानंतर २ ते ५ या वेळेत साडे येथील कोटीलिंग मंगल कार्यालय येथे सभा होणार आहे. साडे व कुंभेज गणातील नागरिक उपस्थित राहणार आहेत. सायंकाळी ६ ते ९ यावेळेत चिखलठाण येथील श्रीनाथ मंगल कार्यालय येथे सभा होणार असून जेऊर व चिखलठाण भागातील नागरिक उपस्थित राहणार आहेत.