सोलापूर : राज्य शासनाच्या वतीने दिवाळीनिमित्त रेशन कार्ड धारकांना डाळ, साखर, तेल, रवा इत्यादी वस्तू १०० रुपयांमध्ये आनंद शिधा या नावाने देण्याची योजना जाहीर करण्यात आली होती. परंतु अन्न धान्य पुरवठा विभाग सोलापूर शहर व जिल्हा सोलापूर या ठिकाणी या योजनेचा फज्जा उडाला असून या योजनेची चौकशी करण्यात यावी, अशी मागणी रिपब्लिकन पार्टी ऑफ इंडियाने केली आहे.

आनंदाचा शिधा या योजनेंतर्गत देण्यात येणारे १०० रुपयांचे किट कितीतरी कार्डधारकांना अद्याप मिळाले नाही. या किट वाटपाची सुरवातच मुळातच दिवाळीनंतर दोन-तीन दिवसांपासून झाली. हे किट प्रत्येकाला मिळाले नाही. त्यामुळे या योजनेमध्ये घोटाळा झाला आहे. या आनंद शिधा वाटपाचे आमिष दाखवून गेल्या महिन्यात देण्यात येणारे धान्य गहू, तांदूळ याचेही वाटप करण्यात आले नाही. या सर्व प्रकरणाची चौकशी करण्याची मागणी रिपब्लिकन पार्टी ऑफ इंडिया व रिपब्लिकन अल्पसंख्याक विभागाच्यावतीने जिल्हाधिकारी यांच्याकडे करण्यात आली आहे.

रिपब्लिकन पार्टी ऑफ इंडियाचे प्रदेशाध्यक्ष सुबोध वाघमोडे यांच्या नेतृत्वाखाली शिष्ट मंडळाने जिल्हा प्रशासनाला निवेदन दिले. यावेळी जक्कपा कांबळे, रावसाहेब परिकक्षाळे, मुकुंद काबंळे, सलीम मुल्ला, रफिक शेख, अरुणा सरवदे, नसरीन शेख, मनिषा काबंळे, इम्रान शेख, समीर मुजावर, इरफान कल्याणी, महबूब पठाण, प्रतीक फाळके, सोहेल जहागीरदार, नबी तांबोळी, धर्मा माने, अनिल नवगिरे, लारेन्स साळवी, दत्ता पवार, चंद्रकांत माने, सुधीर कुमावत ॠतिक फाळके, आदी पदाधिकारी व कार्यकर्ते उपस्थित होते.