सोलापूर: आरोग्य विभागाच्या परीक्षा अचानकपणे रदद्द करण्यात आल्या होत्या. त्यावर बोलताना सतेज पाटील म्हणाले, "आरोग्यमंत्री राजेश टोपे यांनी परीक्षा रद्द संदर्भात दिलगिरी व्यक्त केली आहे. एकावेळी अशा परीक्षा घेणं हे महाकष्टाचं काम असतं, लाखो विद्यार्थी जेंव्हा परीक्षेला बसतात तेव्हा परीक्षा पारदर्शकपणे होणं गरजेचं असतं. एखादा तांत्रिक मुद्दा त्यामध्ये आला असता आणि परीक्षा झाली असती तर प्रचंड गोंधळ झाला असता, त्यामुळे तुमच्या भवितव्यासाठीच हा निर्णय पुढे ढकलेला आहे.

पुढे ते म्हणले की, यापुढे जी परीक्षा घेण्यात येईल त्यातून तांत्रिक मुद्दे निघून जातील याची दक्षता महाविकास आघाडी सरकार घेणार आहे. महाविकास आघाडी सरकारतर्फे राबवली जाणारी ही पहिलीच भरती प्रक्रियेची परीक्षा आहे. आणि परदर्शी पद्धतीने पार पाडण्यासाठी महाविकास आघाडी सरकार प्रयत्न करणारं आहे."

दरम्यान, भाजपचे माजी खासदार यांना कोल्हापूर जिल्ह्यात येण्यासाठी कायदा आणि सुव्यवस्थेच्या प्रश्नामुळे बंदी घालण्यात आली होती. याबाबत ग्रामविकास मंत्री हसन मुश्रीफ यांनी ही सांगितलेलं आहे. त्यामुळे किरीट सोमय्या यांना कोल्हापुरात येण्यासाठी आता बंदी नाही. त्यांची कुठेही अडवणूक केली जाणार नाही. मागच्या वेळेस त्यांना डिटेल दौरा कोल्हापूर जिल्हा प्रशासनाला मिळालेला नव्हता, त्यामुळे तेंव्हा तसा निर्णय घ्यावा लागला, अशी माहिती कोल्हापूरचे पालकमंत्री आणि गृहराज्यमंत्री सतेज पाटील यांनी सोलापूरात दिली आहे.