सोलापूरः सेतूबंध प्रतिष्ठानचे या वर्षीचे सेतूबंध साहित्य पुरस्कार मुखवटा उतरवल्यावर (कवितासंग्रह), योगिनी राऊळ व दिवस बोलू देत नाहीत (कवितासंग्रह) गजानन फुसे, फिंगर बाऊल (कथासंग्रह) विठ्ठल गावस व यसन (कादंबरी) ज्ञानेश्वर जाधवर यांना जाहीर झाला आहे. 

सेतूबंध प्रतिष्ठान पुळूज (ता. पंढरपूर) यांच्या वतीने सेतूबंध साहित्य पुरस्कार साठी आवाहन करण्यात आले होते. या आवाहनाला महाराष्ट्रासह इतर राज्यांतून देखील प्रस्ताव दाखल झाले होते. 

सेतूबंध प्रतिष्ठान साहित्य पुरस्कारासाठी प्राप्त सर्व साहित्यकृतींपैकी निवड समितीकडून आलेल्या निर्णयानुसार सेतूबंध साहित्य पुरस्कारांने सन्मानीत करण्यात येत आहे. पुरस्काराचे स्वरूप प्रत्येकी एक हजार रुपये रोख, सन्मानपत्र असे आहे. सेतूबंध प्रतिष्ठानचा साहित्य पुरस्कार वितरण सोहळा कोरोनाचे समूळ उच्चाटन झाल्यानंतरच होणार आहे. 
या साहित्य पुरस्कारांची घोषणा करतेवेळी सेतूबंध प्रतिष्ठानचे अध्यक्ष शिवाजी भोसले, उपाध्यक्ष श्रीशैल शिरोळकर, सचिव माधुरी भोसले, सदस्य शिवदास कुंभार, श्रीकांत बाबर, धोंडीराम देठे, उमेश बाबर व समन्वयक सूर्याजी भोसले उपस्थित होते. 

संपादन : अरविंद मोटे