कुर्डू - द्राक्षाचे भाव गडगडल्या मुळे त्यातुन सावरण्यासाठी शेतकऱ्यांनी मोठ्या प्रमाणावर बेदाणा तयार केला .त्यामुळे बेदाण्याचे दर काेसळले.सध्या गगनाला गेलेले टॉमेटो चे दर ही कोसळले असुन दुध उत्पादक ही दर कमी झाल्याने अडचणीत आले आहेत.या सर्व शेतकऱ्यांच्या व्यथा जाणून घेण्यासाठी देशांचे माजी कृषिमंत्री शरदचंद्र पवार २३ ऑक्टोबर, सोमवार रोजी सकाळी दाहा वाजता कापसेवाडी येथे येणार आहेत.अशी माहिती कृषीनिष्ठ परिवाराचे नितीन कापसे यांनी दैनिक सकाळ शी बोलताना दिली .

यावेळी योगेश जाधव, हनुमंत खताळ व कृषीनिष्ट परिवाराचे सदस्य उपस्थित होते ‌.

मागील वर्षी पावसाळा हंगाम चांगला असल्यामुळे अनेक ठिकाणी द्राक्षाचे मोठ्या प्रमाणावर उत्पादन झाले . परिणामी द्राक्षाला पंधरा ते विस रुपये किलो दर इथपर्यंत निचांकी दर मिळाला बेदाणा तयार केले त्याचे दर गडगडले आहेत.बेदाण्याला 50 रुपये अनुदानाची मागणी होत आहे.

सध्या टोमॅटो ला दर मिळत नसल्या मुळे शेतकऱ्यानी टोमॅटोचे प्लॉट सोडून दिलेले आहेत त्यामुळे शेतकरी अडचणीत आला आहे.

माढा लोकसभा मतदारसंघात खासदार सुप्रिया सुळे यांचा नुकताच कुर्डूवाडी येथे कार्यकर्ता मेळावा संपन्न झाला असुन लगेच पंधराव्या दिवशी राष्ट्रवादी काँग्रेसचे राष्ट्रीय अध्यक्ष शरद पवार यांचा दौऱ्यावर येत असल्याने राजकारणी तर्क वितर्क लावून चर्चेला उधाण आले आहे.