सोलापूर: सोलापूरचे लोकसभेचे भाजपचे उमेदवार आमदार राम सातपुते यांनी आपला उमेदवारी अर्ज काल भरला. त्यांची एकूण मालमत्ता ही ५७ लाख आहे. ३६ वर्षीय आमदार सातपुते हे पुणे विद्यापीठातून अभियांत्रिकी पदवीधर आहेत. त्यांची व पत्नी संस्कृती सातपुते यांची एकूण ३७ लाख ४४ हजार जंगम तर १९ लाख ७५ हजार स्थावर मालमत्ता आहे.

त्यांच्या नावे पिस्तुलाचा परवाना असून, त्याची किंमत दोन लाख ४९ हजार आहे. तसेच मांडवे येथे त्यांच्या नावे १४ लाखांची दोन एकर २९ आर तर पत्नीच्या नावे एक एकर दोन आर शेती आहे. त्यांच्याकडे बुलेटसह पाच दुचाकी आहेत. तसेच १६ तोळे सोने आहे.

जंगम मालमत्ता- राम सातपुते यांच्याकडे २०१९ मध्ये १० लाख ३४ हजार इतकी होती ती आता ३७ लाख ४४ हजार इतकी झाली आहे.

स्थावर मालमत्ता- राम सातपुते यांच्याकडे २०१९ मध्ये ०० इतकी होती ती आता १९ लाख ७५ हजार इतकी झाली आहे.

सोने - २०१९ मध्ये त्यांच्याकडे १३ तोळे सोने होते तर आता १६ तोळे आहे.

वाहने - २०१९ मध्ये त्यांच्याकडे ५ होती तर आत्ताही त्यांच्याकडे ५ वाहने आहेत.

कर्ज - २०१९ मध्ये त्यांच्यावर ७५ हजार इतके कर्ज होते. ५९ लाख ९२ हजार इतके आहे.