Solapur Lok Sabha 2024: सोलापू्र लोकसभा मतदार संघ हा अनुसूचित जातींसाठी २००९ च्या फेररचनेपासून राखीव झाला आहे. हा मतदारसंघ काँग्रेसचा बालेकिल्ला म्हणून ओळखला जातो. या मतदार संघात आतापर्यंत ११ वेळा काँग्रेस तर पाचवेळा भाजप विजयी झाला आहे. माजी मुख्यमंत्री सुशीलकुमार शिंदे यांचा या मतदार संघातून गेल्या दोन सलग निवडणुकीत पराभव झाला आहे. काँग्रेसने आता शिंदे यांच्या कन्या आमदार प्रणिती शिंदे यांना मैदानात उतरविले आहे. त्यांच्या विरोधात भाजपने माळशिरसचे आमदार राम सातपुते यांना उमेदवारी दिली आहे.

२०१९ चे चित्र

डॉ.जयसिध्देश्‍वर महास्वामी (भाजप) विजयी मते : ५,२४,९८५

सुशीलकुमार शिंदे, (काँग्रेस) मते : ३,६६,३७७

ॲड. प्रकाश आंबेडकर, (वंचित) मते : १,७०,००७

नोटा मते : ६,१९१

वर्चस्व

२००४ : भाजप

२००९ : काँग्रेस

२०१४ : भाजप

२०१९ : भाजप

सद्य:स्थिती

सोलापूरची लेक म्हणून प्रणिती शिंदे मैदानात

भाजपच्या चार आमदारांचे उमेदवारीबाबत झाले नाही एकमत

डॉ. जयसिध्देश्‍वर महास्वामी यांचा जातीचा बोगस दाखला

मराठा समाजाची भूमिका निर्णायक

‘वंचित’ने गेल्यावेळी चांगली मते घेतल्याने त्यांच्या भुमिकेकडे लक्ष

हे मुद्दे प्रभावी ठरणार

मराठा, धनगर आरक्षण आंदोलन

मतदार संघात लिंगायत, तेलुगू भाषिक निर्णायक

ग्रामीण भागात मराठा व धनगर निर्णायक

भाजपच्या दोन्ही खासदारांकडून अपेक्षाभंग

बाहेरील उमेदवार देण्याची भाजपवर नामुष्की

विमानसेवा, उद्योग नसल्याने भाजपचे अपयश