मोहोळ : स्वातंत्र्यवीर विनायक दामोदर सावरकर यांच्या समर्थनार्थ भारतीय जनता पार्टी मोहोळ तालुका व शहर च्या वतीने रविवार ता 2 एप्रिल रोजी येथील श्री नागनाथ मंदिरा पासून ते छत्रपती शिवाजी महाराज चौका पर्यंत गौरव यात्रेचे आयोजन करण्यात आले होते. यावेळी मोहोळ तालुका भारतीय जनता पार्टीचे पदाधिकारी, कार्यकर्ते व वीर सावरकरावर प्रेम करणारे नागरिक मोठ्या संख्येने उपस्थित होते. यावेळी सावरकर सावरकर आम्ही सारे सावरकर, भारत माता की जय अश्या घोषणांनी शहर परिसर दुमदुमला होता.

शिवाजी महाराज चौक येथे शंकर वाघमारे, तालुकाध्यक्ष सुनील चव्हाण, जिल्हा उपाध्यक्ष बाबासाहेब जाधव व शहराध्यक्ष तथा नगरसेवक सुशील क्षीरसागर यांनी आपले सावरकर यांच्या बद्दल मनोगत व्यक्त केले.

यावेळी संजय क्षीरसागर, माजी तालुकाध्यक्ष सतीश काळे, सरचिटणीस महेश सोवनी, सतीश पाटील,रमेश माने,मुजीब मुजावर,बाळासाहेब पाटील, युवा मोर्चा तालुकाध्यक्ष गणेश झाडे, जिल्हा उपाध्यक्ष, लिंगदेव निकम, अविनाश पांढरे, भारत आवारे , विशाल पवार ,दीपक गवळी, जगन्नाथ वसेकर, रणजीत चवरे ,गुरुनाथ तागडे, सागर वाघमारे, सुशीलकुमार मोटे, संजय वाघमोडे, लक्ष्मण माळी , अरविंद माने आदी कार्यकर्ते मोठ्या संख्येने उपस्थित होते.