मोहोळ : शहरामध्ये पिसाळलेल्या कुत्र्याने गुरूवार ता .13 च्या रात्री 8 वाजल्यापासुन ते शुक्रवारी ता.14 च्या सकाळ पर्यत सुमारे 25 पेक्षा अनेकांना चावा घेत दहशत निर्माण केल्यामुळे शहरात प्रचंड घबराट निर्माण झाली आहे. शहरातील कळसे नगर, व एस टी स्टॅन्ड परिसर, आदर्श चौक, सिध्दार्थ नगर,आण्णा भाऊ साठे नगर, कन्या प्रशाला-नेताजी प्रशाला परिसर आदी परिसरातील शालेय विद्यार्थ्यांसह अंदाजे 25 नागरिकांना व जनावरांना पिसाळलेल्या कुत्र्याने चावा घेतला आहे.

बाधित नागरिकांनी मोहोळ ग्रामीण रूग्णालयामध्ये उपचारासाठी धाव घेतली असता या ठिकाणी रेबीज इंजेक्शन उपलब्ध नसल्यामुळे प्राथमिक उपचार करून सोलापूर येथील छत्रपती शिवाजी सर्वोपचार केंद्र ( सिव्हील हॉस्पीटल ) येथे रुग्णांना पाठविण्यात आले आहे. नगरपरिषदेचे कर्मचारी व गावातील युवक संबधित पिसाळलेल्या कुत्र्याला मारण्यासाठी मारण्यासाठी शोधत असुन. शहरातील सर्व नागरिकांनी सतर्क राहण्याचे संदेश सोशल मिडीयावर फिरत आहेत .