सोलापूर : सोलापूर महापालिका हद्दीत कोरोना बाधित रुग्ण सापडण्याचा वेग मंदावला आहे. बुधवारी रात्री बारा वाजेपर्यंत प्राप्त झालेल्या 541 अहवालामध्ये 489 अहवाल निगेटिव्ह आले असून 52 अहवाल पॉझिटिव्ह आले आहेत. 106 जण कोरोना मुक्त झाल्याने त्यांना रुग्णालयातून घरी सोडण्यात आले आहे. सोलापूर महापालिका हद्दीत कोरोना मुक्त होणाऱ्यांची संख्या आता दिवसेंदिवस वाढू लागल्याने समाधान व्यक्त केले जात आहे. 

सोलापूर महापालिका हद्दीतील एकूण कोरोना बाधित व्यक्तींची संख्या पाच हजार 291 झाली आहे. कोरोना चाचणीचे 270 अहवाल अद्यापही प्रलंबित आहेत. बुधवारी रात्री बारा वाजेपर्यंत महापालिका हद्दीत नव्याने एकाही कोरोनाबाधिताचा मृत्यू झाला नाही. बुधवारी रात्री बारापर्यंत प्राप्त झालेल्या अहवालात शिवाजी नगर बाळे, चातक सोसायटी मुरारजी पेठ, नडगिरी पेट्रोल पंपाजवळ विजापूर रोड, साठे पाटील वस्ती देगाव नाका, सिद्धेश्वर नगर मजरेवाडी, अनिता नगर एमआयडीसी रोड, न्यू पाच्छा पेठ, अरविंद धाम पोलीस वसाहत, मुरारजी पेठ, बसवेश्वर नगर, अवंती नगर, शेटे नगर, उत्कर्ष नगर विजापूर रोड, भारतरत्न इंदिरा नगर, उज्वल सोसायटी मुरारजी पेठ, विद्या नगर शेळगी, लोकमान्य नगर मजरेवाडी, बुधवार पेठ, शिवाजी नगर बाळे, रेसिडेन्स क्वॉर्टर सिव्हिल, कल्याण नगर जुळे सोलापूर, संतोष नगर बाळे, वैष्णवी हाइट्‌स बाळे, एसआरपी कॅंप सोरेगांव, यामिनी नगर विजापूर रोड, गंगाधर नगर, हत्तुरे वस्ती, अमृत नगर जवळ, बापुजी नगर या भागात 52 कोरोना बाधित रुग्ण आढळले आहेत.