मंगळवेढा- गावगाड्यातील ग्रामपंचायतचा कारभार ताब्यात घेण्यासाठी इच्छुकांची उमेदवारी दाखल करण्यासाठी तहसील कार्यालयात मोठी गर्दी उसळली.चौथ्या दिवशी सदस्य पदासाठी 347 तर सरपंच पदासाठी 50 उमेदवाराचे उमेदवारी अर्ज दाखल झाल्याची माहिती निवडणूक शाखेचे उमाकांत मोरे यांनी दिली.आज दि.20 अर्ज दाखल करण्याची अंतीम मुदत आहे.

सरपंचाच्या थेट निवडीमुळे गाव गाड्यात सदस्य होण्यासाठी अनेकांची नकार घंटा मिळत आहे. मात्र सदस्य पदासाठी उमेदवार निश्चित करण्यासाठी मनधरणी करताना नेत्यांची दमछाक होत आहे. त्यासाठी त्यांना विविध माध्यमांतून आमीष दाखवून तयार केले जात आहे. उमेदवारी अर्ज दाखल करावयाची अंतिम मुदत आज दि. 20 ला असल्यामुळे उमेदवारी दाखल अर्ज करण्यासाठी गर्दी होणार आहे.

या कार्यालयातील बहुतांश कर्मचारी हे या निवडणुकीसाठी गुंतल्यामुळे ग्रामीण भागातील इतर कामासाठी आलेल्या नागरिकांना देखील त्यांच्या सहीसाठी तहसील कार्यालयात गर्दी करत आहेत. गर्दी कमी करण्यासाठी निवासी नायब तहसीलदार चंद्रकांत हेडगिरे वारंवार स्पीकर वरून सूचना देत होते.

ब्रह्मपुरीत या ग्रामपंचायत साठी एकही उमेदवारी अर्ज दाखल झाला नाही. सर्वात जास्त सदस्यपदासाठी उमेदवारी अर्ज रड्डे ग्रामपंचायतीसाठी 24 तर सरपंच पदासाठी आंधळगाव व महमदाबाद हुन्नूर येथे प्रत्येकी सहा अर्ज आज दाखल झाले.गावनिहाय उमेदवारी अर्ज दाखल केलेले पुढील प्रमाणे कंसात सरपंच पदाचे उमेदवार

शिरसी 18 ,आंधळगाव 19(6),

खडकी 8(1), अकोला 5(1),जंगलगी 23(4), खुपसंगी 19(2), जुनोनी 8(2),महमदाबाद हु 18(6),बठाण 16(1),शेलेवाडी 11(2), उचेठाण 7(3), निंबोणी 19(2), जालीहाळ 5,मुंढेवाडी 7,भाळवणी 13(1),

चिक्कलगी 15(2) ,नंदूर 6(4), हिवरगाव 14(1) ,रड्डे 24(0)लक्ष्मी दहिवडी 19(3),लोणार 22(4),मानेवाडी 1, पडोळकरवाडी 13(2) रेवेवाडी 11(1), देगाव 15(3) ,डिकसळ 9 (1) ,

बालाजी नगर पोटनिवडणूक 2 अर्ज दाखल झाले.