सांगोला : अननस घेऊन चाललेला पिक अप टोल नाक्याच्या कठड्याला थटल्याने झालेल्या अपघातात तीन जण जखमी झाल्याची घटना मेथवडे फाटा (ता. सांगोला) येथील टोल नाक्यावर बुधवार सकाळी साडेसहाच्या सुमारास घडली आहे.

याबाबत अधिक माहिती अशी की, बुधवारी सकाळी साडे सहाच्या सुमारास कर्नाटकातून अननस घेऊन आलेला पिक अप (क्रमांक - के. ए - 31, 9315) सांगोला - पंढरपूर रस्त्यावर सांगोल्याहून पंढरपूरकडे चालला होता. मेथवडे फाटा येथील नवीन झालेला टोलनाक्यावर पिक अप मध्यभागी असणाऱ्या कठड्याला घेऊन थडकला पिक अप वेगात असल्याने पिक अपचा समोरचा भाग अक्षरशा चक्काचूर झाला तर पिक अप मध्ये असलेले तीन जण जखमी झाले होते. परिसरातील असणाऱ्या नागरिकांनी पलटी झालेली पिकप उचलून आतील ड्रायव्हर व इतर दोघांना बाहेर काढून त्यांना हॉस्पिटलला पाठवले गेले आहे. जखमी झालेले तिघेजण कर्नाटक राज्यातील असल्याने त्यांची नावे समजू शकली नाहीत.