सोलापूर : "कोरोना"च संसर्ग थांबण्यासाठी सरकार वेगवेगळे उपाययोजना करत आहेत. त्यातच महाराष्ट्र राज्य परिवहन महामंडळाने एक मोठा निर्णय घेतला आहे. या निर्णयानुसार आता एसटीत प्रवास करताना एका सीटवर एकच प्रवासी बसून प्रवास करणार आहे, अशा सूचना प्रत्येक बस स्थानकावर प्रवासी आणि चालक-वाहकांना देण्यात आले आहे.
जगभर थैमान घातलेल्या "कोरोना" व्हायरस ने महाराष्ट्रात हात-पाय पसरले आहे. दररोज कोरोनाची लागण झालेल्या रुग्णांची संख्या वाढत आहे. हा विषाणूचा संसर्ग रोखण्यासाठी प्रतिबंधात्मक उपाययोजना म्हणून सरकार दररोज वेगवेगळे निर्णय घेत आहेत. त्याला नागरिकांचाही प्रतिसाद मिळत आहे. पुणे-मुंबईकडे जाणाऱ्या अनेक एसटी बस व रेल्वे गाड्या रिकाम्या जात आहेत. यातून महामंडळाला तोटा होत आहे. असे असताना सुद्धा नागरिकांची गैरसोय टाळण्यासाठी तोट्यात महामंडळाचे फेऱ्या सुरू आहेत. आता एक एसटी बस मधून फक्त 22 लोकांना प्रवास करता येणार आहे.
 एसटी महामंडळाने प्रवाशांच्या संख्येनुसार पुण्याकडे जाण्याच्या काही गाड्या रद्द केल्या आहेत. तर ज्या गाड्या सोडल्या जात आहेत, याची योग्य खबरदारी घेऊनच गाड्या मार्गस्थ केल्या जात आहेत.