Latest Maharashtra News : राज्यपाल नियुक्त विधानपरिषद जागेवर आवताडे शुगर्स चे माजी अध्यक्ष सरोज काझी याना भारतीय जनता पक्षाच्या वतीने काम करण्याची संधी देण्यात यावी अशी मागणी मुस्लिम समाजाकडून केली जात आहे.

भारतीय जनता पक्षाच्या हिंदू वोट कार्ड मुळे मुस्लिम समाज पक्षापासून दुरावला असून पंढरपूर विधानसभा क्षेत्रामध्ये मुस्लिम समाजाची मतांची निर्णायक संख्या पाहता मुस्लिम समाजाला न्याय देणे आवश्यक असून आ.समाधान आवताडे यांच्यासोबत गेल्या वीस वर्षापासून तालुक्याच्या राजकारणामध्ये विश्वासू कार्यकर्ता म्हणून ज्यांची ओळख आहे. (Marathi News )

सोलापूर जिल्ह्यामध्ये मुस्लिम समाजाचा चेहरा या पक्षामध्ये प्रमुख पदावर नाही स्व.युन्नुश शेख यांना सोलापूर मधून यापूर्वी विधान परिषदेवर काम करण्याची संधी शरद पवार यांनी दिली होती त्यानंतर कोणत्याही पक्षाने या समाजाला संधी देण्याच्या दृष्टीने विचार केला नाही. लोकसभा निवडणुकीत दलित,मराठा, मुस्लिम समाज हा भाजपाच्या विरोधात गेल्यामुळे 45 हजार पिछाडीवर भाजपाचा उमेदवार राहिला.

त्यांना परत जवळ करण्याच्या दृष्टीने आ. समाधान आवताडे यांनी या मतदारसंघ पंढरपूर येथे मराठा समाजासाठी मराठा भवन मंजूर करून त्याचे भूमिपूजन करून दाखवले तर भविष्यात दलित आणि मुस्लिम समाज जवळ करण्याच्या दृष्टीने राज्यपाल नियुक्त विधान परिषदेवर संधी मिळणे आवश्यक आहे. आ.समाधान आवताडे हे उपमुख्यमंत्री देवेंद्र फडणवीस यांचे सलोख्याचे संबंध असल्यामुळे त्यांची ताकद काझीसाठी महत्त्वपूर्ण ठरणार आहे.

सरोज काझीनी लेबर फेडरेशनच्या माध्यमातून मोठा जनसंपर्क निर्माण केला याचा फायदा विधानसभा निवडणुकीत होऊ शकतो व मुस्लीम समाजाला भाजपने न्याय दिला असल्याची भावना जिल्ह्यात निर्माण होऊन सकारात्मक बदल विधानसभा मतदानासाठी होईल असा विश्वास मुस्लीम समाजात व्यक्त होत आहे यामुळे सरोज काझी यांना ही संधी मिळणार का याकडे मुस्लिम समाजाचे लक्ष लागून राहिले,दरम्यान शहरात राहणाऱ्या मुस्लीम समाजाच्या वतीने मागणी करण्यात येत आहे लवकरच एक मुस्लीम शिष्टमंडळ ही मागणी करण्यासाठी जिल्हाध्यक्ष आ सचिन कल्याणशेट्टी यांच्याकडे जाणार असल्याचे समजते.