मोहोळ(सोलापूर) : शहरातील कोरोना बाधित रुग्णांची संख्या वाढत शहरात मोहोळ नगरपरिषदेच्या 3 कर्मचारी कोरोना बाधित झाले आहेत. या प्रमाणे शहरात 7 तर कामती बु.येथे 1 असे एकूण 8 रुग्ण वाढले आहेत. 

हेही वाचाः कोरोनाच्या पार्श्‍वभूमीवरही पांडुरंग व संत सावता माळीची भेटीची परंपरा अखंडित; या मंत्र्यांनी केले प्रयत्न 

शहरातील व तालुक्‍यातील वाढती कोरोना बाधितांची संख्या लक्षात घेता आरोग्य विभागाच्यावतीने रॅपिड अँटिजेन टेस्ट ही मोठ्या प्रमाणात केल्या जात आहेत. मोहोळ शहरातील ग्रामीण रुग्णालयात संशयित 286 रुग्णांच्या रॅपिड टेस्ट करण्यात आल्या होत्या त्यापैकी 36 रुग्ण पॉझिटिव्ह आले आहेत. तालुक्‍याची संख्या तब्बल 157 झाली आहे. तर मोहोळ शहरात रुग्णांची संख्या 62 झाली आहे. 

हेही वाचाः दूध दरवाढ आंदोलनामुळे या तालुक्‍यातील सव्वादोन लाख लिटर दुधाचे संकलन थांबले 

नगरपरिषदेच्या एका कायम कर्मचाऱ्याला व दोन हंगामी कर्मचाऱ्यांना कोरोनाची बाधा झाली आहे. नागरिकांनी प्राथमिक लक्षणे जाणवल्यानंतर तत्काळ शासकीय व खासगी रुग्णालयाशी संपर्क साधण्याचे आवाहन प्रशासनाच्या वतीने करण्यात आले आहे. संशयित रुग्णांची ने आण करण्यासाठी विद्यार्थी वाहतूकीच्या बसची व शहरातील 2 शाळा व 2 मंगल कार्यालयाची क्वारंटाईन सेंटरसाठी मागणी केली असल्याचे मुख्याधिकारी एन.के. पाटील यांनी सांगितले. पिंपरी,आय टी आय, कृषी केंद्र आदी कॉंरटाईन सेंटर मध्ये असणाऱ्या स्वच्छतागृह, गरम पाण्याची सुविधा तसेच जेवण आदी मिळणाऱ्या सुविधाबध्दल संबधित रूग्णांच्या नातेवाईकंकडून मोठ्या प्रमाणात नाराजी व्यक्त होत आहे.  
 

संपादनः प्रकाश सनपूरकर