कुर्डू (सोलापूर ) : भावाच्या लग्नाच्या पत्रिका वाटून घराकडे परतत असताना कुर्डू (ता. माढा) येथे पिकअप व दुचाकीच्या अपघातामध्ये नातु व आजोबा जागीच ठार झाले. ही घटना रविवारी (ता. 2) आडीच वाजताच्या सुमारास घडली आहे. अभिजित रमेश मोरे (वय 22, रा. कन्हेरगाव) व महादेव नामदेव डांगे (वय 65, रा. पिंपळनेर (डोणवाडी), ता. माढा) अशी मृतांची नावे आहेत. 
पिकअप कुर्डूवाडीकडे व दुचाकी टेंभुर्णीच्या दिशेने जात होती. कुर्डूवाडी- टेंभुर्णी रोडवर कुर्डूहद्दीत झुंडरे यांच्या वस्तीजवळ या दोन वाहनाची जोराची धडक झाली. यात दोघांचा जागीच मृत्यू झाला आहे. अभिजितचा थोरला भाऊ किशोरचे 14 फेब्रुवारीला लग्न आहे. त्याच्या लग्नपत्रिका वाटण्यासाठी अजोबा महादेव नामदेव डांगे व नातू अभिजित हे दोघं मिळून गेले होते. परत येत असताना कुर्डूजवळ त्यांच्यावर काळाने घाला घातला.